Кога детето ќе се навикне на одредени намирници, може да подготвувате различни комбинации на кашички, а нивната конзистенција (густина) ускладете ја со можностите на џвакање на детето и никнувањето на забите.
Некои добитни комбинации на кашички се оние од:
- Јаболка, морков и оризови снегулки
- Пченични снегулки и пасирана тиква
- Тиквица и гриз
- Сезонско овошје и пастеризирана урда
- Банана, млеко и овесни снегулки
- Морков, брокула и мисиркино месо
- Спанаќ, пилешко и ориз
- Палента и динствувано телешко во сос
- Тестенини со сос од мелено месо и домати
Кога детето ќе почне да џвака, наместо кашичка од зеленчук, може да подготвите супи, па во нив да ставите ситни сварени тестенини или ориз.
Експериментирајте со разни вкусови, запознајте го детето со различни намирници и нивни комбинации, а пристапот и имагинацијата се неограничени.
Трпеливо и без присилување, запознајте го детето со нови форми на исхраната. Ако токму денес, вашето бебе не сака да проба нова кашичка, нахранете го со онаа што ја сака и обидете се повторно за неколку дена. Не(омилената) намирница може да се “спакува“ во поинаков вкус, на пример со малку млеко кое детето го познава.
Понекогаш, гримасата на лицето на вашето бебе не мора да значи дека подготвената кашичка не ја сака, туку дека вкусило нешто ново и непознато. Затоа – едноставно почекајте неколку секунди детето да се прилагоди на новиот вкус, пред да му ја понудите втората лажичка.
