Одржувањето на здрава телесна тежина е исклучително важно за време на бременоста, од причина што на тој начин се намалува ризикот од гестациски дијабетес, како и од проблеми со крвниот притисок, но и од можноста за предвремено породување.
- Нормално е наеднаш да ја зголемите телесната тежина во текот на бременоста
Колку килограми треба да добиете во бременоста, зависи од вашата претходна тежина. Ако имате нормална тежина, тогаш во текот на бременоста треба да се здебелите од 11 до 13 килограми. Доколку имате малку повеќе килограми од нормалната тежина, тогаш во бременоста ви е дозволено да качите од 6 до 10 килограми. Во случај да сте екстремно над нормалната тежина, тогаш во бременоста не смеете да ја надминете границата од 6 до 9 килограми.
- Бремена сум, морам да јадам за двајца!
Реално вам ви се потребни околу 300 дополнителни калории дневно за вас и вашето бебе – а тоа е помалку храна отколку што си мислите. На пример, една павлака, парче овошје и парче леб со семки ќе додадат 300 калории во вашата исхрана.
- Дополнителна тежина е секогаш добредојдена за развој на детето
Зависно од тоа колку сте се здебелиле за време на бременоста, вашите сопствени резерви на храна се доволни за нормален развој на бебето. Одете на чести гинеколошки прегледи и следете ја состојбата на раст и развој на вашето бебе.
- Во ред е да ги задоволите своите потреби
Не секоја храна е соодветна за трудниците. На пример, важно е да го редуцирате внесот на солена храна. Бидете сигурни дека вашите потреби за храна се дел од здравата исхрана и со тоа не внесувате премногу калории.
- Губењето тежина за време на бременоста може да му наштети на развојот на бебето
Доколку имате вишок килограми, а за време на бременоста не ја зголемувате телесната тежината или, пак, ослабнете неколку килограми, тоа се смета за плус за вас и вашето бебе. На овој начин може да го намалите ризикот од гестациски дијабетес или предвремено породување.
