Доколку планирате бременост или треба да се породите идната година, веројатно уште сега размислувате за името на бебето. Родителите ширум светот бараат за своето бебе име кое е поинакво и посебно, а слично е и меѓу мајките и татковците и во Македонија.
Заради тоа, познатиот светски портал BabyCenter направил темелно истражување и ги објави резултатите кои открија имиња чија популарност е во подем, но и оние чие време допрва ќе дојде.
Имиња поврзани со семејството Кардашијан/Џенер
Популарноста на името Сторм (Бура) скокнала за 63% откако Кајли Џенер така ја крсти својата ќерка, а името Дрим (Сон) кое Роб Кардашијан го стави на својата ќерка, бележи скок за 42%. Во чекор ги следат имињата Тру (што значи вистина; името на ќерката на Клои Кардашијан) и Чикаго (ќерката на Ким Кардашијан).
Се почест е и изборот на имиња како Пис (Мир) и Шанти (исто така Мир) за момчиња, наведува BabyCenter. Во пораст е интересот за имињата Киви, Шафран и Кејл.
Имиња поврзани со кралското семејство
BabyCenter предвидува дека името што ќе го добие бебето на Меган Маркл и принцот Хари ќе игра важна улога во одлуката на останатите родители ширум светот. Иако никој се уште не го знае ниту полот на идното кралско бебе, во обложувалниците најголемите влогови на име на момче се Џејмс, Албер и Артур, а за девојче Викторија, Алис, Дајана и Елизабет.
Кратки имиња
Уште еден тренд се кратките имиња. Просечната должина на имињата на бебињата во Америка е во опаѓање од деведесетите години, така што може да се очекува се повеќе бебиња да носат имињата како Нова, Кејс, Зејн, Ела и Опал.
Најпопуларни имиња за момчиња
Во изборот на име за бебето, на родителите им е важно да видат што другите ќе изберат. Меѓу машките бебиња, од почеток на следењето во 1880 година, најпопуларни се имињата: Лијам, Ноа, Вилијам, Џејмс, Логан, Бенџамин, Мејсон, Илајџа (Илија), Оливер и Џејкоб (Јаков).
Најпопуларни имиња за девојчиња
Кога се девојчињата во прашање, најпопуларни имиња се: Ема, Оливија, Ава, Изабела, Софија, Миа, Шарлот, Амелија, Евелин и Абигејл.
Необични имиња
BabyCenter предвидува дека во 2019 година “бум“ ќе доживеат имињата Ариа, Рајли, Лајла, Зоја, Харпер, додека родителите на машко бебе може да бидат заинетерсирани за имињата Ејдн, Кејдн, Грејсон и Лукас.
Име кое доживеало најголем скок на скалата на популарноста последните години е Оуклин, за дури 749 места, а потоа следат Енсли, Дрим, Меланија, Емберли и Октавија, додека во случајот со имиња кај момчињата тоа се: Велс, Каиро, Каспијан, Нова и Колсон.
