Според статистиката, месец во годината во кој се раѓаат најмногу деца е септември и тоа периодот помеѓу 9. и 20. септември. Во овој период паѓаат дури 9 од 10 дена за породување.
“Ако пресметате дека бременоста во просек трае 38 недели, тоа значи дека многу парови зачнале во декември, помеѓу божиќните празници и Нова година. Има смисла да повеќето парови забременат за време на празничната сезона”, објаснува д-р Витни Касарес за порталот парентс.
Уште една причина е фактот што спермата е поквалитетна во зима во однос на летните месеци. „Претпоставката е дека промените во должината на дневната светлина може да ја направат околината на јајце клетката посоодветна за прием на сперма. Но, потребни се повеќе истражувања за да се разбере овој интересен феномен“, вели таа.
И во САД, најчестиот датум на раѓање бил 16 септември, според објавата на Њујорк Тајмс од 2006, која била резултат на истражување на Харвард за периодот помеѓу 1973 и 1999 година. Подоцна, Мет Стајлс од Дејли Виз направил компилација на раѓања од 1994 до 2014 година, а според тоа најчест датум е 9 септември.
Според статистичките податоци, најмалку деца се раѓаат во зимските месеци, од декември до февруари. Божиќ, односно 25 декември и најреткиот датум што паѓа на секои 4 години – 29 февруари, се најмалку популарни датуми.
Можна причина за тоа е што доколку се планира царски рез или индукција, а лекарите се на одмор, ваквите породувања се прават во денови кои не се празници.
