Доколку очекувате принова во текот на летните месеци, веројатно веќе мечтаете за топлите денови поминати покрај море, под сонце. Летото носи посебна магија и можеби сакате името на вашето бебе да ја одразува оваа единствена сезона.
Инспирацијата за имиња може да дојде од различни аспекти на летото – од светлото сонце, мирисот на морето, до опуштените летни вечери. Во продолжение ги издвојуваме најубавите имиња за бебиња кои се инспирирани од морето и сонцето, а кои совршено ќе одговараат на вашето летно бебе. Овие имиња не само што евоцираат убавина и топлина на летото, туку на вашето дете ќе му обезбедат спомени од безгрижните летни денови за цел живот.
Август
Август е машко име со латинско потекло, изведено од името на римскиот крал Августус. Името значи возвишен, а често им се дава на летните бебиња.
Маре
Маре е кратка варијанта на името Марија и во земјава најчесто се користи како прекар. Маре на италијански значи море, па секако е име кое им одговара на децата родени во топлите месеци.
Каи
Каи е име со хавајско потекло што значи море, а во последните години се слуша и во земјава. Во светот тоа е најпопуларното име за момчиња родени во текот на летните месеци, а во 2020 година го избрале повеќе од 2,9 милиони родители.
Сунчица
Освен морето, првата асоцијација за летото е сонцето, па затоа на оваа листа го вклучивме и името Сунчица. Потекнува од името на небесното тело Сонце, а друга варијанта на ова име е Сунчана.
Лав/Леа
Според хороскопот, децата родени кон крајот на јули и почетокот на август се лавови, па некои родители за своите бебиња ги избираат имињата Лав или Леа, кои потекнуваат од латинскиот збор лео, што значи лав. Овие силни имиња означуваат храброст.
Марина
Марина е женска форма на латинското име Мариус, што значи од морето. Иако звучи како локално име, всушност е популарно и во Италија, Шпанија, Аргентина и Франција.
