Одредена храна, односно намирници немаат добро влијание врз детскиот организам, поради што експертите советуваат истите да се сведат на минимум. Секако, доколку за одреден вид на храна не сте сигурни колку е хранлива, која и е нутритивната вредност и дали бебето воопшто треба да ја внесува, најдобро е да се консултирате со матичниот педијатар на детето.
Што да се избегнува?
Стручњаците составиле листа на намирници кои би требало да се избегнуваат во исхраната на детето. Иако намирниците се здрави, може лошо да влијаат по здравјето на бебето од различни причини.
Кравјото млеко и белката од јајце може да предизвикаат егзема и одредени стомачни проблеми и тоа најчесто кај деца помали од 12 месеци. Овошје со семки и тврдо овошје може да доведе до гушење, па така намирници како калинка, пуканки и свеж морков не се препорачливи.
Не се препорачува ниту здравата намирница – медот. Медот може да содржи бактерија која предизвикува ботулизам, додека поголема количина на овошје може да доведе до дијареа.
Одредени видови риба, како скуша содржат високо ниво на жива во себе и не се добри за детското здравје.
Исто така се препорачува и избегнување на млечни производи од непастеризирано млеко, како сирење оти може да предизвика труење со храна.
Секако не се препорачуваат ниту напивки кои содржат кофеин, како леден чај или газиран пијалак.
