Начинот на кој се воспитуваат децата во најраните години има големо влијание врз нивното однесување, но и врз начинот на кој тие го перцепираат светот и комуницираат со другите откако ќе пораснат. Истражувањата покажуваат дека 90 отсто од детскиот мозок се развива до петтата година, односно пред детето воопшто да започне на училиште.
Тоа значи дека се до неговото доаѓање во училишните клупи, одредено однесување е веќе длабоко вкоренето и станало дел од неговата личност, пишува The Sun. Родителите имаат пресудна улога во тоа, а истото го потврдува и наставничката Аманда Барнс, која открива кој тип на родители воспитуваат најнепослушни деца.
„Попустливите родители ретко даваат или спроведуваат правила дома и се претерано им попуштаат на своето дете за да избегнат какви било конфликти. Кога децата немаат структура дома, тоа може да резултира со проблеми на училиште. Детето или ќе напредува, бидејќи ја има структурата и границите што му недостигале на училиште, или ќе им пркоси на наставниците и ќе покаже непослушност. Кај моите ученици кои имаат попустливи родители дома, забележувам дека намерно не ги завршуваат задачите бидејќи мислат дека не мора да ги почитуваат правилата, исто како што не ги почитуваат ниту дома“, објаснува Барнс.
Иако смета дека детето треба да има слобода во некои работи, истакнува дека одредени граници и правила треба да постојат, а на родителите е истите тие правила да ги донесат.
„Родителите мора да знаат кога е време да попуштат пред желбите на своето дете, но и кога е потребно да истрајат на усвојување на правилата. Многу родители не знаат дека детето всушност сака да има одредени граници, му треба водич кој ќе го води. А кој е подобар за таа работа од неговиот родител? Така се воспитуваат послушни, среќни и самоуверени деца“, додава Барнс.
