Новороденчињата често киваат, но тоа не е секогаш знак за настинка. Кивањето е рефлекс на органзимот за да ги ослободи дишните и носни премини. Воздухот што го вдишуваме е полн со нечистотии како честички од прашина, валканици, хемиска пареа кои со помош на кивањето ги исфрламе од носот. Ако бебето често кива, а нема други симптоми на настинка или болест, не се загрижувајте – тоа е нормално.
“Кивањето не е симптом на болести, повеќе станува збор за настинка или иритација, надразби на слузницата на носот. Значи, ако бебето нешто го чеша во носето или пецка, тоа ќе кивне“, објаснува педијатарката Мирјана Коларек Каракаш.
НАЈЧЕСТИ ПРИЧИНИ ЗОШТО БЕБИЊАТА КИВААТ
- Мали носеви: новороденчињата и бебињата имаат тесни назални премини и често им пречат влакна од милиеничиња, влакна од прекривки и ќебиња, прашина, па редовно киваат за да ги ослободат дишните патишта.
- Хигиена на носот: децата дишат на уста и не им е лесно да се префрлат на дишење низ нос и затоа е многу важна хигиената на носната шуплина кај доенчињата бидејќи освен што не знаат да дишат преку уста, тие не знаат ни само да го издуваат носот. Педијатарката Коларек Каракаш советува да носето на бебето да се чисти со намотан памук натопен со физиолошки раствор, на тој начин да памукот биде свиткан во едно парче, при што едниот дел влегува во носот, а вториот дел останува надвот за да се спречи памукот да остане во носето. Со кивањето сами ја одржуваат хигиената.
- Затнато носе: кога едната ноздра е затната, може да се отвори со кивање. Во текот на доењето, бебето може да биде притиснато до мајката, така што едната ноздра да биде затворена или малку притисната. По хранењето, бебето може да кивне за да ја отвори ноздрата. “Ако бебето има затнато носе, пред да го храните, ставете неколку капки раствор наменет за оваа возраст, а може и дома да подготвите раствор од слезов корен“, советува д-р Коларек Каракаш.
КОИ СЕ ДРУГИ МОЖНИ ПРИЧИНИ?
- Сув воздух: сувиот воздух во станот или куќата може да биде причина за кивање, па потребно е да се навлажнува, особено во зима кога е вклучено централно греење. “Сувиот воздух може исто така да биде иритант, затоа е добро во просторијата каде што е бебето, воздухот да се навлажнува и да се капнува физиолошки раствор во носето“, советува педијатарката Џована Армаано.
- Иританти: надразнуваќки може да делува и чадот од цигари и прашината, а резултат е често кивање. Проветрувајте го станот, отворајте прозори за да ги исфрлите сите можни иританти од просторијата. И секако, не пушете во близина на бебето.
Алергии: понекогаш причината е сезонски ринитис, односно алергија на полен. Алергиите на горниот респираторен тракт кои ги зафаќаат носот и грлото се манифестираат како водлесто течење на носот и кивање. Чувајте го бебето подалеку од алергени и контактирајте со вашиот педијатар за да утврди за што точно се работи.- Болест: кај новороденчињата, инфекции на горните дишни патишта, исцедок од носот и кивање се вообичаени знаци на настинка. Тие сè уште имаат слаб имун систем и кога ги држи возрасно лице кое е заразено со грип или е настинато, голема е веројатноста и тие да ги добијат. Внимавајте секогаш да ги измиете рацете пред да го држите бебето.
