Д-р Метју Томпсон од Универзитетот во Сиетл и неговите соработници со анализа на 48 претходно спроведени студии, дошле до заклучок дека симптомите на респираторните инфекции кај децата траат подолго отколку што претходно се проценувало и најчесто не е неопходна терапија.
Децата во овие истражувања добивале симптоматска терапија, плацебо апчиња или ништо не добивале, а лекарите го следеле развојот на нивните симптоми.
Меѓу децата кои имале болка во увото, 90% од нив се чувствувале подобро по 7-8 дена откако посетиле лекар. Децата си симптоми на настинка (кивање), биле подобро по 15 дена, додека речиси сите деца кај кои се јавила кашлица им биле потребни 25 дена за целосно опоравување. Болката во грлото обично поминувала за 2 до 7 дена, во зависност од студијата.
Особено подолго од очекуваното било траењето на болката во увото, како и симптомите на настинката. Според лекарите, на повеќето деца со симптоми на инфекција на дишните патишта (кивање, кашлање) не им е потребно одење на лекар. Со исклучок на стрептококната ангина, овие инфекции главно се предизвикани од вируси.
“Некои луѓе сметаат дека доколку симптомите траат подолго од неколку дена, на детето му е потребен антибиотик. Но, тие не делуваат на вируси, а може да предизвикаат пролив ии други несакни дејства, меѓу кои најзначен е развојот на отпорност на бактериите на антибиотици, со што значајно се отежнува лекувањето на идните бактериски инфекции„, вели д-р Шарон Меропол.
Според лекарите, пораката до сите родители е дека симптомите на респираторните инфекции може да траат некое време, и дека нивната должина на траење не мора да значи дека на детето му е потребна антибиотска или некоја друга терапија. Секако, надополнуваат тие, и натаму постојат ситуации во кои детето со респираторни инфекции е потребно да се однесе на лекар, кога симптомите постојано се влошуваат или ако изостане нивно постепено подобрување. На лекар, дополнува д-р Меропол треба да се однесе и дете кое отежнато дише или има некој друг сериозен симптом.
