Новата студија од Универзитетот во Глазгов покажува дека вирусите кои предизвикуваат обична настинка успешно се натпреваруваат со новиот коронавирус и го исфрлаат од човечкиот респираторен систем.
Вирусите кои предизвикуваат настинка се нарекуваат риновируси и во човечкото тело, според студијата на шкотските научници, ќе ја совладаат и блокираат репликацијата на вирусот SARS-CoV-2, предизвикувач на Kовид-19.
- Се проценува дека риновирусите се одговорни за 40 проценти од обичните настинки, краткa и безопаснa болест.
Вирусите се натпреваруваат за опстанок кај нивните домаќини, но некои од нив може да коегзистираат со други. На пример, аденовирусите можат да ја делат куќата (човечка клетка) со други вируси.
Но, вирусите на грип или обичната настинка се осамени воини. Тие ја напаѓаат човечката клетка сами и сакаат да останат сами во неа.
Знаејќи го ова, научниците од Универзитетот во Глазгов направиле реплика на човечкиот респираторен систем што коронавирусот го користи за вселување во организмот. Потоа ги вметнале обата вируса во реплицираниот респираторен систем и ги пуштиле слободно да ги напаѓаат клетките.
Кога двата вируса биле пуштени истовремено, „риновирусот го активирал природниот имунолошки одговор што го блокирал реплицирањето на коронавирусот во респираторниот епител кај човекот“, рече водачот на студијата Пабло Мурсија. Ова значи дека респираторниот систем бил инфициран само со обична настинка.
Иако сознанието на истражувачите може да се искористи во развој на стратегиите против Ковид-19, шкотските научници напоменуваат дека дотогаш „вакцинацијата е најдобрата заштита од Ковид“
Кога риновирусот бил пуштен со 24-часовна предност, коронавирусот немал никакви шанси. Дури и во обратна ситуација, кога на коронавирусот му била дадена предност во колонизацијата, риновирусот пристигнал подоцна и пак го „протерал“ SARS-CoV-2 од клетките.
Заклучокот е едноставен, SARS-CoV-2 во директен судир со риновирусот нема шанси.
„Ова значи дека имунолошкиот одговор на обична, лесна настинка, може да обезбеди некое ниво на привремена заштита од коронавирусот“, рече професор Мурсија.
За жал, имунолошкиот одговор на обичната настинка се смирува неколку дена по завршувањето на болеста, а SARS-CoV-2 тогаш може да го нападне организамот.
Иако ова сознание може да се искористи во развој на стратегиите против Ковид-19, шкотските научници напоменуваат дека дотогаш „вакцинацијата е најдобрата заштита од Ковид“, пренесува „Хина“.
