Еден од најголемите кошмари на секој родител е помислата што би направил доколку не може да го најде своето дете на прометно или преполно јавно место како што е зоолошка градина или трговски центар. Но, суровиот факт е дека тоа може да се случи на секој од нас додека да трепнеме. Сепак, колку и да е застрашувачко за вас, замислете колку би можело да биде страшно за вашето дете. Поради оваа причина, важно е да го опремите вашето дете со вештини што му се потребни доколку се изгуби или се одвои од вас.
Контактирајте со управата на местото каде што се наоѓате. Доколку се наоѓате на места како што се зоолошка градина, музеј, трговски центар или слично, контактирајте ја главната канцеларија на објектот каде што се наоѓате за да ги информираат своите вработени и чуварите кои ќе помогнат во пребарувањето и да ја информираат јавноста преку разглас, која потоа ќе обрне внимание во забележувањето на вашето дете
Што треба да знае детето ако се изгуби?
Иако никој не сака да го замисли своето дете како се изгубило, особено на прометно место како трговски центар, парк, зоолошка градина, сепак е важно да ја разгледате можноста и да го подготвите вашето дете најдобро што можете. На тој начин, доколку случајно се изгубат, ќе знаат некои основни безбедносни совети како да се справат со ситуацијата.
Бидете сигурни дека вашите деца го знаат вашето име бидејќи може да се случи децата да ги заборават имињата на нивните родители бидејќи секогаш ве нарекуваат мама или тато. „Научете го вашето дете да знае кој е бројот на вашиот мобилен телефон“, предлага Сузан Кенеди, виш програмски менаџер за пружање помош и превенција во Националниот центар за исчезнати и експлоатирани деца (NCMEC). „На тој начин, ако се изгубат далеку од дома, некој возрасен може да им помогне да ви се јават. Во идеален случај, исто така, научете ги и да ги знаат телефонските броеви на уште една или две личности за итни случаи и нивната домашна адреса.“
Ако не можат да го запомнат вашиот број или адреса, можете дискретно да им залепите налепница или да им ги напишете информациите на лист хартија и да ги ставите во нивниот џеб. Потоа потсетете го вашето дете каде е хартијата или налепницата за да знае каде е и да може да ги сподели со некое сигурно возрасно лице доколку се одвои од вас.
Исто така, би требало да разговарате со вашето дете и за тоа од кого да побара помош доколку се изгуби. Според Мајкл Дрогин, службеник за јавни информации за полицискиот оддел во Лисбург, треба да бидете сигурни дека вашето дете знае да праша полицаец, пожарникар, чувар или друг возрасен од доверба да му помогне.
Иако никој не сака да замисли дека неговото дете се изгубило, особено на прометно место како што е трговски центар, парк, зоолошка градина, сепак, е важно да ја разгледате можноста и да го подготвите вашето дете најдобро што можете
„Да се побара помош од кој било од овие луѓе е корисно затоа што тие се во можност да пружат помош или да помогнат во контактирање на родителите“, рече полицаецот Дрогин.
Што да го научите вашето дете во случај да се изгуби?
Нагласете им дека треба да се потрудат да останат што посмирени кога ќе сфатат дека се изгубени. Може длабоко да вдишат и потоа да почнат да ве повикуваат што е можно погласно. Потсетете ги дека најверојатно не сте далеку и дека ќе ги слушнете. Исто така, треба да им кажете да останат таму каде што се, а не да одат да ве бараат. Уверете ги дека и вие ќе ги барате, а ако трчаат наоколу, потешко ќе ги најдете.
„Доколку вашето дете е на безбедно место, тогаш треба да остане таму каде што е бидејќи родителите веројатно ќе се вратат по нивните стапки“, вели полицаецот Дрогин.
Доколку во близина видат полицаец, пожарникар, чувар, чувар на парк или работник на фестивал, можат да побараат помош од нив. Но, тие не треба да го напуштат трговскиот центар или забавниот парк и да ве бараат. Исто така, ако се на планинарска патека со семејството, треба да останат на патеката. Погрижете се да знаат дека не треба да излегуваат од патеката и да талкаат низ шумата барајќи ве.
Што да направите ако вашето дете се изгуби?
Ако случајно сте се одвоиле од вашето дете и не можете да го видите наоколу, не паничете (се разбира, полесно е да се каже отколку да се направи). Брзата акција и „чистата“ глава ќе бидат водичи во пронаоѓањето на вашето дете.
Контактирајте со управата на местото каде што се наоѓате. Доколку се наоѓате на места како што се зоолошка градина, музеј, трговски центар или слично, контактирајте ја главната канцеларија на објектот каде што се наоѓате за да ги информираат своите вработени и чуварите кои ќе помогнат во пребарувањето и да ја информираат јавноста преку разглас, која потоа ќе обрне внимание во забележувањето на вашето дете.
Немојте да ви биде непријатно да контактирате со полиција. Верувајте им на вашите инстинкти и не потпирајте се целосно на персоналот на местото каде што сте биле кога вашето дете се изгубило чекајќи некој од нив да повика полиција. Откако ќе направите површна проверка на местото каде што вашето дете е изгубено, не одложувајте и повикајте полиција.
