Бебињата по раѓањето не знаат дека ноќта е за спиење, а денот за активности, но со неколку трикови можете лесно да ги научите.
Новороденчињата доаѓаат од темна и удобна маткаа каде атмосферата е за дремка. Тие немаат поим дека, во сосема новиот свет во кој пристигнале, ноќта е за спиење, а денот е време кога треба да бидеме будни.
Во првите неколку недели, веројатно нема да можете да создадете некој шаблон на спиење и вашето бебе нема да може да ги разбере денот и ноќта. Меѓутоа, постепено ќе развие сопствен циркадијален или деноноќен ритам (внатрешен телесен часовник), кој е под влијание на изложеноста на дневна светлина. Ќе почне да спие подолго навечер и да останува будно подолго во текот на денот. Ова може да потрае малку подолго отколку што очекувате, а дополнително е комплицирано поради фактот што бебињата имаат многу мал желудник, така што мораат да се хранат често.
Како можам да му помогнам на бебето да разликува дено од ноќ?
Се е во тоа е да ноќта и денот бидат многу различни за бебето. Ако, на пример, поминувате многу време во текот на денот шетајќи, во интеракција со вашето бебе или гледање со други луѓе, можете да му помогнете да сфати дека ноќта е за тишина, а денот е за движење и бучава.
“За да му помогнете да го прилагоди својот телесен часовник, секојдневно носете го бебето надвор на свеж воздух и дневна светлина“, советуваат експертите.
До крајот на првиот месец, повеќето бебиња спијат 6-7 часа во текот на денот и 8-9 часа навечер. Веќе на три месеци, бебе кое е научено дека ноќното време за спиење, веројатно ќе спие 10-11 часа во текот на ноќта и околу 4 часа во текот на денот.
