Џепарлакот никако не би требало да биде награда за послушност, туку начин на кој детето ќе научи како да располага со парите, како да биде трпеливо и она што е најважно, да учи да биде одговорен возрасен човек.
„Денес децата рано почнуваат да се среќаваат во пари и брзо ја сфаќаат нивната моќ. Затоа е добро да ги вклучите на време и да ги научите да располагаат со пари и да донесуваат одлуки. Најдобро време за тоа е кога детето ќе почне да сфаќа што се пари и за што служат, а тоа обично е околу пет години. Притоа, џепарлакот треба да биде соодветен според возраста – доволно голем да може сам да собере пари за нешто што сака, но и не толкав за да може веднаш да го купи. На тој начин децата учат да го одложуваат задоволството, да бидат трпеливи и одговорни„, објаснува психологот Петра Матковиќ.
Најчесто родителите на децата им даваат џепарлак како награда за извршување на домашните работи, но психолозите велат дека тоа не е најдобро решение.
Самостојност
Учествувањето во домашните работи позитивно влијае на развојот на детето и му даваат на детето чувство на важност во кругот на семејството, а влијае и на развојот на емоционалните и социјалните вештини.
„Секое семејство има многу секојдневни, неделни и месечни домашни обврски, а децата би требало да бидат дел од нив од почетокот, без посебни услови или награди. Така секој член придонесува за семејството и има своја улога. Тоа би требало да биде составен дел од животот, а не начин на кој децата ќе заработат пари. Ако подоцна им ја укинете наградата, децата ќе одбијат да работат работи за кои порано биле мотивирани со пари„, вели психологот Матковиќ.
Сепак, таа додава дека е добро повремено да се дадат шанси децата да заслужат дополнителен џепарлак, така што ќе направат некоја поголема работа во домот или некоја задача. Таа истакнува и како децата уште од мали треба да се остават самостојно да расолагаат со своите пари.
Учење од искуство
„Треба да ги научите како да штедат и разумно да трошат. Пуштете ги сами да располагаат со парите и да учат на сопствените грешки. Советувајте ги, но не ги мешајте ако наеднаш одлучите да ги потрошите сите на скапа играчка. Со време подобро ќе наат одговорно да располагаат со парите и како да разликуваат што навистина им е потребно, а што само моментна желба„, советува Матковиќ.
Некои стручњаци препорачуваат дека на детето за секоја година од животот да му дадете по 100 денари. На младите деца џепарлакот е добро да му го давате неделно, а децата постари од десет години месечно.
Веќе од пет години децата разбираат што се пари
Совет е дека веќе од петгодишна возраст, да му се објасни како парите треба да се заработат и разликата меѓу работите кои ги сакаме и кои ни се неопходни. Меѓу 6 и 10 години децата би требало да ја совладаат вредноста на парит, поимот штедење и кредитни картички.
