Капењето обично е многу забавно за децата, но честопати може да биде заморно за родителите. Откако ќе подготвите сè, ќе го избањате детето, ќе го намачкате со масло и ќе го пресоблечете, тогаш допрва ве чека средување на нередот во бањата.
Ако вашето дете е доволно старо за да се капе самостојно, оставете го. Но, пред да го оставите вашето дете да се капе самостојно, треба да бидете сигурни дека знае како да го направи тоа безбедно и дека разбира како да се измие.
Еве неколку чекори на кои треба да го научите вашето дете кога станува збор за самостојно капење:
Главна работа е безбедноста
Објаснете му на детето дека додека е само во бањата треба само да се мие, а не да се забавува. Бидете сигурни дека нема да се обидува да дознае колку долго може да дише под вода и слични работи, бидејќи и плитката вода може да им направи проблеми на децата.
Научете го која насока е точна
Кажете му на вашето дете дека треба да се капе од горе кон долу, прво да ја измие главата и по ред да се движи кон нозете. Исто така и да се исплакне и ќе бидете сигурни дека ќе излезе чисто од глава до пети.
Разумна количина на шампон и гел за туширање
Ова е многу важна точка што родителите често ја забораваат. Важно е да му покажете на детето колку шампон треба за да ја измие главата, односно колку гел за туширање му треба за да го измие телото.
Шампонирање на косата
Децата обично не сакаат да ја мијат косата, а ако мораат сами да го прават тоа, тогаш постои можност едноставно да го прескокнат или да не го направат добро. Затоа, прискокнете им на помош, особено ако се девојчиња со долга коса.
Без меурчиња
Објаснете му на детето како да знае дека добро се исплакнало – ако нема нови меурчиња во водата, тогаш сè е во ред.
Важни делови од телото
Вообичаено е децата да забораваат да го измијат вратот, зад ушите, под пазувите и гениталиите. Затоа треба да им се објасни дека овие делови од телото се особено валкани и дека е важно правилно да се мијат.
Обука на кукли
За да бидете сигурни дека вашето дете разбира сè што ќе кажете, замолете го да искапе кукла или друга играчка. Вежбајќи на кукла, детето ќе знае подобро да се измие.
Употреба на крпи
Правилното бришење со крпа не е лесно. Погрижете се пешкирот да не е преголем за детето и покажете како постепено се брише од глава до пети.
