Многу жени често се збунети и веруваат дека гинеколошките брисови се исто што и ПАП тестот. Ако и вие сте една од нив, прочитајте и дознајте повеќе кои се разликите. Овие се разликите, но и објаснувањата за што служат гинеколошките брисови, а за што ПАП тестот.
Што е ПАП тест и за што служи?
ПАП тестот е кратка процедура, како дел од рутински гинеколошки преглед, во кој се собираат клетки од грлото на матката (долниот, тесен дел од матката) на врвот на вагината. Неговата цел е рано откривање на премалигни промени и рак на грлото на матката кај жените. Раното откривање на рак на грлото на матката ги зголемува шансите за излекување и е првиот чекор во запирање на можниот развој на рак на грлото на матката.
Што се гинеколошки брисови и за што служат?
Брис од грлото на матката (цервикс), односно вратот на матката, е гинеколошко испитување со кое се докажува инфекција на женскиот репродуктивен систем. Се зема така што гинекологот го ротира брисот неколку секунди до еден сантиметар во ендоцервикалниот канал.
Брис од уретрата или уринарниот канал е тест кој се користи за да се докаже инфекција на половиот систем во уретрата или гениталиите. Важен е во дијагнозата на ХПВ инфекција, гонореја и кламидија. Се зема така што гинекологот внесува памучно стапче до 3 сантиметри во уретрата и полека и кратко го ротира.
Најчесто, вашиот гинеколог ќе ве упати на брис ако резултатите од ПАПА тестот покажуваат абнормални или атипични клетки, ако имате чешање или зголемен исцедок со променет мирис или изглед. Особено ако откако сте ја земале терапијата, бактеријата сепак се враќа. Или ако планирате бременост. Бидејќи инфективните болести денес се една од водечките причини за неплодност, многу е важно да се поставуваат навремени дијагнози. Секако, би било добро да нправите брисеви доколку сè уште не сте ги направиле.
Со помош на цервикалните брисови може да се докаже:
- Кламидиска инфекција,
- Инфекција со ХПВ (хуман папиломавирус),
- Микоплазма и генитална уреаплазма (Ureaplasma urealyticum и parvum, Mycoplasma hominis и Mycoplasma genitalium), Gardnerella vaginalis,
- Генитален херпес,
- Гонореја,
- Сифилис,
- Габични инфекции.
