Научниците од Универзитето Оксфорд во Велика Британија развија брз тест за КОВИД-19 кој може да го идентификува новиот коронавирус за само пет минути, кој може да се користи за масовни тестирања на аеродромите и во работните организации.
Универзитетот се надева дека на почетокот на 2021. може да почне со тестирања. Со овој тест може да се детектира коронавирусот и да се разликува од остантите вируси, со висока сигурност, велат стручњаците.
“Нашата метода брзо открива недопрени делови на вирусот“, изјави проф. Ахил Капанидис, од катедрата за физика. Тој додава дека тестот ќе биде “едноставен, исклучително брз и достапен“.
Брзите тестови на антитела се клучни за масовно тестирање и повторно отворање на економијата во време кога вирусот се уште слободно циркулира. Оние кои веќе се користат се побрзи и поевтини, но се помалку сигурни од постоечките молекуларни ПЦР тестови.
Иако Оксфордкиот тест ќе биде достапен дури идната година, може навреме, пред идната зима, да помогне во спречување на епидемијата. Здравствените власти предупредуваат дека луѓето ќе мора да живеат со новиот коронавирус и кога ќе се пронајде вакцина.
“Покажавме дека нашиот тест може со сигурност да разликува различни вируси во клинички примероци, што е клучна работа во идната фаза на пандемијата“, нагласуваат научниците.
