Новите мајки, па и бремените жени, се жалат на заборавеност или расеаност, како последица на хормоните или ненаспаноста. Но, сега големоо истражување спроведено во Норвешка покажало дека мозокот на мајката е всушност “пооштар“ од претходно.
Жените кои родиле деца имаат мозок кој е помлад од нивната вистинска старост и тоа благодарение на естрогенот кој се лачи за време на бременоста.
“Кога се набљудуваше начинот на кој мозокот старее, забележуваме многу важна разлика помеѓу мозокот на жените кои родиле и оние кои не родиле. На магнетна резонанца нивните резултати биле “помлади“ шест месеци цо однос на нивната вистинска старост, што значи дека бременоста ги подмладила“, вели д-р Ан-Мари Ланг, од Универзитетот во Осло.
Истражувањето опфатило 12.000 жени на средна возраст, од кои 9.500 имале деца. Научниците да анализирале масата на нивниот мозок и количината на сиви клетки, и утврдиле дека мозоците на мајките биолошки делувале помладо по промените кои ги предизвикала бременоста и растењето на детето.
