Раѓањето на дете неочекувано го менува мозокот, но и телото на таткото

Најнови студии покажале дека и мажите доживуваат хормонални, невролошки и други промени кога ќе стигне детето во семејството.

Хормоналните промени, стрес и неочекувани телесни промени – тоа е она што бременоста и раѓањето на детето носат во животот на мајката. Се верува дека татковците остануваат недопрени, оти не раѓаат деца. Најнови студии покажале дека и мажите доживуваат хормонални, невролошки и други промени кога ќе стигне детето во семејството.

Пад на нивото на тестостерон

Тестостеронот е машки хормон кој е одговорен за развивање на машките репродуктивни функции. Истражувања покажале дека нивото на тестостерон кај новите татковци може да се намали и до 34% по раѓање на детето.

Повисоко ниво на окситоцин

Научниците ја проучувале поврзаноста на вклученоста на новиот татко во активностите на растење на бебето, со нивото на хормони и дошле до интересни заклучоци. Оние татковци кои редовно играле со своите деца, имале повисоко ниво на окситоцин во крвта во однос на оние кои биле помалку вклучени. Овој хормон е одговорен за позитивни чувства, љубов и опуштање.

Истражувања покажале дека нивото на тестостерон кај новите татковци може да се намали и до 34% по раѓање на детето.

Може да заболат од постпородилна депресија

Постпородилната депресија е состојба предизвикана од бременоста и породувањето, и обично вклучува тага, безнадежност, анксиозност и раздразливост. Но, експертите велат дека оваа депресија не ги погаѓа само жените, туку и мажите што е резултат на намалување на нивото на тестостерон. Ова намалување може да придонесе мажите да чувствуваат летаргија, незаинтересираност за активности, во споредба со однесувањето кое го имале претходно.