Вообичаен пластичен додаток, кој се наоѓа во сè, од цуцли до метални конзерви за храна, па дури и во хартиени крпи, е поврзан со зголемен ризик од аутизам кај момчињата.
Новото истражување кое го следело развојот на повеќе од 600 доенчиња покажало дека повисоките нивоа на бисфенол А (БПА) во урината на бремената мајка повеќе од тројно ја зголемуваат шансата момчето да развие симптоми на аутизам до двегодишна возраст. Истите тие момчиња имале шест пати поголема веројатност да бидат дијагностицирани со аутизам до 11-годишна возраст, во споредба со оние чии мајки имале пониски нивоа на БПА за време на бременоста.
БПА може да го наруши развојот на мозокот на машкиот фетус на неколку начини. Меѓу другото, влијае на клучниот ензим, ароматазата, кој ги контролира неврохормоните и е особено важен за развојот на мозокот на машкиот фетус, вели епидемиологот д-р Ен-Луиз Понсонби за студијата на нејзиниот тим
БПА е хемикалија наменета за стврднување на пластиката и спречување на рѓосување на металот, а исто така е поврзана со поголем ризик од дебелина, астма, дијабетес и срцеви заболувања. Исто така е наречена хемикалија што го менува полот поради нејзината улога во поттикнувањето на хормонални и сексуални нарушувања кај луѓето, рибите и другите видови.
Но, споменатата нова студија пронајде докази и откри дека специфичните хемиски реакции придонесуваат за случаи на аутизам, пишува „The Independent.“
„Нашата работа е важна затоа што покажува еден од потенцијално вклучените биолошки механизми. БПА може да го наруши развојот на мозокот на машкиот фетус на неколку начини. Меѓу другото, влијае на клучниот ензим, ароматазата, кој ги контролира неврохормоните и е особено важен за развојот на мозокот на машкиот фетус“, вели епидемиологот д-р Ен-Луиз Понсонби за студијата на нејзиниот тим.
„БПА го потиснува ензимот ароматаза“
Новата студија тврди дека ароматазата помага да се претворат некои машки полови хормони во мозокот, познати како неврални андрогени, во неврални естрогени. Ова се соединенија кои им помагаат на луѓето, без разлика на полот, да го регулираат воспалението во мозокот, да ја одржуваат флексибилноста на синапсите кои им помагаат на невроните да комуницираат во целиот нервен систем, а исто така помагаат и во управувањето со холестеролот. Мозокот е најбогатиот со холестерол орган во човечкото тело и користи приближно 20 проценти од резервите на масни молекули за да ги извршува своите витални функции.
„Откривме дека БПА го потиснува ензимот ароматаза и е поврзан со анатомски, невролошки и промени во однесувањето. Се чини дека ова е дел од сложувалката на аутизмот“, изјави коавторот и биохемичар на студијата, д-р Вах Чин Бун.
Истражувањето е објавено во списанието „Nature Communications“.
