Поголемиот број родители до осмата година на децата им читаат приказни за спиење. Причината е едноставна – тоа им е најдраго време во текот на денот. Истражување спроведено помеѓу 2000 мајки и татковци открило дека еден од десет родители продолжува да им чита приказни на децата и до 13. година, а 11 проценти престануваат кога децата ќе им наполнат три или четири години.
Дури 86 проценти од родителите велат дека најубав дел од денот им е подготвувањето за спиење, играњето и галењето додека бираат пижами и зборувањето (читањето) приказна, а 36 отсто од нив тврдат дека тоа им е најквалитениот дел од денот.
Тројца од десет родители истакнуваат дека уживаат во читањето приказни на децата, бидејќи таа навика ја сметаат за добра можност да бидат со децата и заедно да се успиваат.
Истражувањето кое го спровело центарот Вондерблеј, открива дека тројца од четири родители не сакаат да престанат да им раскажуваат или читаат приказни пред спиење на своите деца.
Се покажало дека 15 проценти од родителите почнале на децата да им читаат приказни и пред да бидат родени, а една петина велат дека тоа почмале да го прават откако добиле дете.
Дури 93 проценти од родителите се согласуваат дека е важно на децата да им се читаат приказни пред спиење, а просечен родител на таа активност троши 15 минути секоја вечер.
Раскажувањето приказни за повеќето родители е омилен дел од вечерната рутина (45%), а потоа следи галењето со децата (44%), гледањето телевизија (26%), капењето (23%) и бирањето гардероба за утрешниот ден или пижами (18%).
