Бебињата често ‘рчат во сон, прават звуци, плачат, го прекинуваат дишењето, а понекогаш и обилно се потат. Бебињата кои се потат во сон не треба да ве загрижуваат бидејќи тоа е сосема нормална и вообичаена појава. Ќе забележите дека бебињата најчесто се потат додека се во фаза на длабок сон. Зошто тоа се случува и како да им помогнете на бебињата.
Децата се потат повеќе од возрасните
Децата навечер се потат почесто отколку возрасните бидејќи нивниот сон е многу поцврст. Нивниот систем за одржување на телесната температура сè уште не е доволно зрел, па нивните потни жлезди се многу големи во однос на нивното тело.
Иако вашето дете се буди целосно мокро, тоа не мора да значи дека навечер се чувствува неудобно, но постои можност да му е премногу жешко. Децата кои се потат поради топлината обично почнуваат да се препотуваат и нивните тела се жешки и пред да влезат во длабока фаза на спиење. Ако забележите дека бебето е испотено дури и пред спиење, прилагодете ја температурата во просторијата, пресоблечете го или тргнете ја прекривката.
Можна инфекција
Потењето понекогаш може да биде знак дека вашето дете се бори со инфекција. Доколку забележите дополнителни симптоми како малаксаност, отежнато дишење, кашлица, ‘рчење или покачена температура, однесете го вашето дете на лекар.
За да го намалите потењето кај бебињата во текот на ноќта, внимавајте на собната температура и проветрувајте ја просторијата доволно во текот на денот. Облечете го вашето дете за спиење така да му биде удобно и погрижете се дека е добро хидрирано пред да заспие.
