По породувањето сигурно одредено време ќе бидете многу емотивни. Се ќе ви биде ново, во вас ќе се менуваат лувство на неизмерна среќа со чувство на страв и несигурност.
Мора да се грижите за мало човече кое целосно зависи од вас. Можеби на прв поглед ќе се заљубите во вашето бебе, а можеби ќе ви биде потребно одредено време да се зближите и да прифатите дека повеќе не сте сами. Колку повеќе време поминувате со бебето, толку повеќе ќе се зболиѓите. Ако на почетокот ви е тешко и не го чувствувате она што околината мисли дека би требало, немојте да се чувствувате лошо. За поврзувањето понекогаш е потребно повеќе време. Ако се чувствувате вознемирено и депресивно, не плашете се да побарате помош.
Не е се како во рекламите
Првите неколку недели со бебето може да бидат навистина тешки. Ќе имате многу убави моменти, но секое бебе бара и му треба постојано внимание и грижа. Не можете да избегате од тоа, нема боледување или годишен одмор. Ниту ритамот на вашето бебе нема да ви дозволи да спиете, па набрзо ќе сфатите дека животот со новороденче не изгледа како во рекламите за пелени.
Со сето ова, и понатму ќе се опоравувате од породувањето, а вие и бебето ќе учите како да доите, во кое време да спиете, кога да се пресоблекувате. Да, секој почеток е тежок и ви е дадена голема одговорност, но знајте дека сите овие почетнички маки ќе поминат и дека на крајот ќе се ускладите.
Додека се грижите за новороденче, можете целосно да заборавите на себе. Веројатно сте слушнале дека новите мајки велат дека не стигнале ниту да се истушираат. Без разлика што мислите за себе, обидете се да јадете правилно, спијте секогаш кога можете и дозволете некој друг да ве замени понекогаш во грижата за вашето бебе.
Добро е да направите мала пауза, дури и ако е само пауза за туширање. Ако се чувствувате добро со себе, многу полесно ќе се грижите за бебето.
Сигурно сте слушнале за поимот ‘baby blues’
‘Baby blues’ обично започнува во неделата по породувањето и престанува кога бебето ќе наполни околу 10 дена. Не грижете се ако чувствувате тага, раздразливост или вознемиреност во првите денови по породувањето, бидејќи сето тоа се нормални чувства предизвикани од хормоналните промени. Имено, вашето тело мора да се навикне повеќе да не сте бремени. За бебешкиот блуз, не ви треба никаков третман, но не двоумете се да разговарате со некого за тоа како се чувствувате.
Постнатална депресија
“Бејби блуз“ не е исто што и постнаталната депресија. Постнатална депресија е кога имате чувства на тага, безнадежност, вина или самообвинување цело време со недели или месеци откако сте се породиле.
Симптомите може да варираат од благи до тешки и да влијаат на жените на различни начини. Кога станува збор за тешка депресија, на некои жени им е тешко да се грижат за себе и за своето бебе.
Ако мислите дека имате симптоми на депресија и тие траат подолго од две недели, не срамете се да побарате помош. Депресијата е состојба на менталното здравје. Тоа не е знак на слабост, нешто што ќе исчезне само по себе или нешто од што треба само да “извлечете“. Добрата вест е дека постнаталната депресија може да се третира со соодветна грижа и поддршка, а повеќето жени целосно ќе се опорават.
