Светската здравствена организација (СЗО) својата позиција за маските ја преиспита по податоците од Хонг Конг кои сугерираат дека нивното носење може да спречи ширење на вирусот. Но, во своите нови препораки кои ги објави во понеделникот, СЗО ја задржа старата позиција – а тоа е дека, иако маските може да го ограничат ширењето на заразата, сами по себе не се доволни.
Нема докази дека носењето на маска во јавност оневозможило да се заразат здрави луѓе, заклучува СЗО.
“Освен ако лицата не работат во здравствениот систем, маските служат единствено за заштита на другите, а не за заштита на самите нас“, изјави професорот Дејвид Хејман, еден од клучните членови на советодавното тело за ризик од зараза.
Ова тело потврди и дека вирусот може да го пренесат лица кои се уште немаат симптоми на коронавирус, но и додаваат дека и понатаму се пренесува по капков пат или преку контаминирани површини. И тука, најдобра превенција е социјално дистанцирање и миење раце.
Според ревидираните препораки, лицата кои имаат симптоми на коронавирус треба да носат маска, да се самоизолираат и да побараат совет од лекар што не се чувствуваат добро, а оние лица кои се грижат за нив, треба да носат маска кога се во иста просторија.
Препораките на СЗО се поинакви од оние кои ги даде Американскиот центар за превенција и контрола на болести, како и дел од центрите за цивилна заштита во некои европски земји.
Имено, Хејман тврди дека маските би можело да создадат лажно чувство на безбедност кои на крајот би ги довело луѓето во поголем ризик. Дури и ако носот и устата се покриени, вирусот и натаму може да влезе низ очите. Вториот проблем е дека луѓето би можеле да се заразат при вадење или прилагодување на маската на лицето, поради што СЗО препорачува лицата кои носат маска во јавност да ја користат безбедно. Тој потенцира дека државите кои препорачуваат носење маски, треба да проверат колку таа мерка е всушност ефикасна.
“Маските од ткаенина, или хируршката маска со низок квалитет нема да ги исфлитрираат честичките, ниту аеросолот, за кои некои тврдат дека ја пренесуваат инфекцијата. Клучно треба да биде прашањето како да ги заштитиме очите“, смета проф. Вилијам Кевил од Универзитетот Саутемптон.
Од друга страна, епидемиологот од Универзитетот Оксфорд, д-р Елејн Фенг го поддржува американскиот став да се носат маски во јавност, особено во случај на лица кои можеби биле изложени на вирусот.
