Повеќето здравствени работници и експерти за безбедност не препорачуваат користење на дубачиња за бебиња од следниве причини:
- Дубачето нема да му помогне на бебето да научи да оди
Дубачето не е многу корисно кога станува збор за учење да оди. Уште повеќе, дубачињата можат дури и да одмогнат од тоа учење. „Истражувањата покажаа дека бебињата кои користат дубачиња ќе научат да одат околу еден месец подоцна од бебињата кои не ги користат“, објаснува педијатарот Дејвид Гелер, додавајќи дека бебињата учат да одат гледајќи и разбирајќи како нивните нозе и стапала се движат. „Ако дубачето има послужавник напред, бебето не може да види што се случува со долниот дел од телото и не може да ги добие потребните информации за нејзиниот моторен развој.
- Дубачето може да го забави развојот на бебето
„Многу родители мислат дека дубачето ќе им помогне на нивните деца да научат да одат. Всушност, дубачињата ќе го забават развојот на детето и ќе го одложат времето кога детето ќе научи да оди“, сметаат од Американската академија за педијатрија. Пред да научат да одат, бебињата учат како да се тркалаат, лазат и играат на подот. Ставањето на бебето во дубаче пред да биде физички подготвено може да го отежне учењето да оди и да потрае подолго.
„Бебињата кои користат дубачиња учат да ползат, стојат и одат подоцна отколку што обично би научиле и покажуваат задоцнет моторен развој со месеци откако научиле да одат“, објаснува педијатарот Алан Грин. Зошто? Бидејќи на овој начин децата ги прескокнуваат клучните чекори во учењето да одат, како што е самостојното исправување и стоење. Со дубаче тоа не треба да го прават за да се движат. Исто така, д-р Грин додава бидејќи дубачињата го олеснуваат движењето на бебето низ собата – тие можат да ја намалат желбата на детето за одење.
- Дубачето може да предизвика сериозни несреќи
Многу родители мислат дека дубачето ќе им помогне на нивните деца да научат да одат. Всушност, дубачињата ќе го забават развојот на детето и ќе го одложат времето кога детето ќе научи да оди, сметаат од Американската академија за педијатрија. Пред да научат да одат, бебињата учат како да се тркалаат, лазат и играат на подот. Ставањето на бебето во дубаче пред да биде физички подготвено може да го отежне учењето да оди и да потрае подолго
Веќе во 2004 година, Канада ја забрани продажбата и купувањето дубачиња поради големиот број несреќи во кои учествуваа бебиња на возраст од 5 до 14 месеци. Токму несреќите се една од најважните причини зошто здравствените организации не препорачуваат дубачиња за бебиња, а се повеќе земји бараат таква забрана.
„Дубачињата за бебиња се опасни бидејќи им даваат на бебињата дополнителна брзина, дополнителна висина и пристап до многу опасности“, вели педијатарот Џеј Хокер. Повеќето повреди и несреќи се случуваат кога дубачето се превртува, паѓа по скали или се судира со мебел или шпорет.
Уште поопасно е кога родителот ќе го остави детето да управува со дубаче без негов надзор, но д-р Гелер истакнува дека дури и присуството на родителот не е гаранција за спречување на повреда. Имено, студија објавена во списанието „Pediatrics“ покажала дека 78 отсто од несреќите на децата со дубачиња се случуваат во присуство на возрасни.
„Детето во дубаче може да се движи над 90 см за една секунда, а дури и возрасните не можат да реагираат толку брзо“, според Американската академија за педијатрија.
Дубачето не е многу корисно кога станува збор за учење да оди. Уште повеќе, дубачињата можат дури и да одмогнат од тоа учење. „Истражувањата покажаа дека бебињата кои користат дубачиња ќе научат да одат околу еден месец подоцна од бебињата кои не ги користат“, објаснува педијатарот Дејвид Гелер
Што да направите наместо да користите дубаче?
Бебињата учат како да одат кога вежбаат сами. И она што веќе го имате во вашиот дом обезбедува доволно основи за тренирање. „Дури и мебелот во домот е доволен за да го поттикне одењето кај малите деца. Додека децата истражуваат и кружат од масичката во дневната соба до софата па се до масата, тие вежбаат сами да одат. Само погрижете се околината да е безбедна, а потоа дозволете им на најмалите да го одработат својот дел“, објаснува педијатарот и автор на бестселери, д-р Ари Браун.
Ако сакате дубаче во вашиот дом како играчка за вашето дете, размислете за тоа наместо дубаче да му обезбесите на вашето дете „соодветен простор“ каде што вашето бебе ќе има безбедно место за седење, лазење и играње. Статичните и дидактички центри за игра кои изгледаат како дубачиња, но без тркала – се исто така подобра идеја од самата проодувалка, сметаат експертите.
