„Инсајдер“ деновиве објави есеј напишан од Лена Дерхали, кој дава преглед на сè почестата практика на родителите за време на почетокот на новата учебна година. Тоа е динамично и возбудливо време за сите, и додека децата се обидуваат да го префрлат умот од летниот распуст на училишните обврски, родителите возбудено ги фотографираат нивните први моменти.
Дерхали има две деца на училишна возраст и вели дека секоја година гледа се повеќе родители кои споделуваат слики од нивните деца на социјалните мрежи на првиот училишен ден. Слатки комбинации, насмеани лица и горди цитати предизвикуваат возбуда, но таа тврди дека сепак, не ги поддржува таквите објави.
„Тоа е затоа што покрај тоа што сум мајка, јас сум и психотерапевт и експерт за социјални мрежи. Кога ги гледам овие фотографии, гледам повеќе од насмеани лица на децата. Ги забележувам опасностите кои демнат зад таквите објави. Еве зошто не објавувам фотографии од моите деца од училиште и зошто треба двапати да размислите пред да го направите тоа“, пишува таа.
Фотографиите можат да дадат информации за кражба на идентитет
Иако повеќето луѓе не би ја објавиле својата адреса на интернет, таа може лесно да се открие: фотографиите на децата на првиот училишен ден може да ја покажат вашата поштенска кутија или бројот на куќата во позадина, а ако го фотографирате детето пред училиштето, откривате и кое училиште го посетува. Некои родители дури оставаат ознаки за локација на нивните објави
Во 2020 година, кражбата на идентитет погоди речиси половина од Американците. Тоа можеби ќе ви биде последното нешто што ќе ви падне на ум додека ги подготвувате вашите деца за првиот училишен ден. Но, информациите што ги споделуваме на интернет ги прават нашите деца лесни мети, пишува Дерхали.
Сè што му треба на едно лице со лоши намери за да започне со кражба на идентитетот е целото име на детето, датумот на раѓање и адресата. Првите две информации може лесно да се најдат на профилите на социјалните мрежи кои вклучуваат роденденски најави и други поводи.
Иако повеќето луѓе не би ја објавиле својата адреса на интернет, таа може лесно да се открие: фотографиите на децата на првиот училишен ден може да ја покажат вашата поштенска кутија или бројот на куќата во позадина, а ако го фотографирате детето пред училиштето, откривате и кое училиште го посетува. Некои родители дури оставаат ознаки за локација на нивните објави, што го прави целиот процес на крадецот на идентитет премногу лесен.
Онлајн предаторите се уште една голема грижа
Изгледа малку веројатно дека фотографиите од училиште би можеле да бидат адут за предаторите. Но, полицијата предупредува дека истражителите пронашле токму такви фотографии на уредите на сексуалните престапници.
Никој од нас не сака да верува дека меѓу нашите следбеници на социјалните мрежи има потенцијални криминалци, но непријатна реалност е дека многумина од нас имаат. Кога споделуваме информации како омилената боја, соништа и желбите на нашето дете, им даваме на предаторите алатки за градење односи со нашите деца, вели Дерхали.
Еве како да споделувате побезбедно, ако навистина сакате да го правите тоа
Фотографиите од враќањето на училиште носат многу радост. Секако, ништо на интернет не е 100 % сигурно ниту под ваша контрола, но можете да го намалите ризикот следејќи ги овие совети:
! Размислете со кого ја споделувате вашата објава. Има голема разлика помеѓу објавување слики од вашите деца во затворена семејна група со 20 членови и на цел Фејсбук кој вклучува илјадници луѓе кои едвај ги познавате во реалниот живот;
! Минимални детали. Држете се до објавувањето на името на вашето дете и никогаш не ги вклучувајте имињата на нивните наставници или училиште;
! Проверете ја позадината на фотографијата. Проверете дали вашето училиште, домашната адреса и другите информации за идентификација се видливи.
! Побарајте согласност. Ако вашето дете има 4 или повеќе години, прашајте го пред да објавите. Ако се двоуми, немојте да го објавувате.
