Мајките и татковците секојдневно се пресоблекуваат пред своите деца и тоа е најнормално кога децата се мали, но во одреден момент тоа треба да престане. Сепак, многу родители не знаат кога е време да се повлече границата, па еве што е важно да знаат за тоа.
На возраст помеѓу пет и осум години, кај децата почнува да се развива чувство на срам. За родителите ова треба да биде сигнал дека не треба да се пресоблекуваат пред дете од спротивен пол (мајки пред синови и татковци пред ќерки), вели психологот Александра Ањукина.
Сепак, таа истакнува дека не постои јасно утврдено правило за тоа кога мајките и татковците треба да престанат да се пресоблекуваат пред своите деца, бидејќи односот кон телото е различен во секое семејство и зависи од бројни фактори.
“Во меѓувреме, по втората година, на детето треба да му се објасни дека постојат некои социјални правила. На пример, ако може да трча голо низ дома, треба да се облече кога ќе дојдат гости. Луѓето не одат голи на плажа, не ги покажуваат интимните делови на сите и слично”, објаснува психологот.
Таа истакнува дека децата покажуваат поголем интерес за телото на возраст од една и пол до три или четири години и во тој период поставуваат многу прашања за телото на кои е важно да се одговори.
Исто така, важно е родителите да ги почитуваат границите на нивните деца.
„Голото тело не треба да се демонизира и важно е да ги научиме децата да ги почитуваат своите и туѓите граници, да го почитуваат телото и општествените правила“, заклучува психологот.
