Ако работата на родителот е да воспитува деца кои се добри, љубезни и одговорни, тогаш избегнувањето на разгаленост е многу важна компонента на нашите родителски должности. И не само тоа, туку со дете кое не е разгалено, полесно ќе ги постигнеме нашите родителски цели, повеќе ќе уживаме во друштвото на нашите деца и ќе поминуваме време заедно со помалку конфликти, а повеќе смеа и забава.
Родителите кои сакаат да ги воспитуваат своите деца да бидат благодарни, трпеливи, самодисциплинирани и генерално добри луѓе, дефинитивно треба да преземат некои мерки за помош кои ќе ги насочат децата на вистинскиот пат.
Ова се неколку стручни совети кои навидум можеби немаат многу врска со разгалувањето, но ќе ви помогнат да избегнете да воспитате разгалено дете.
1. Потпрете се на доследни рутини
Децата напредуваат со помош на рутините и им требаат тие да се чувствуваат безбедно. Со доследна рутина, тие знаат што да очекуваат. На детето му треба одредена доследност во денот, предвидлива низа на настани што му овозможува на детето безгрижно да го истражува светот, знаејќи што ќе се случи и како. На пример, секој ден кога е речиси време за спиење, детето прво ги мие забите, а во кревет чита приказна со мама или тато, а на крајот добива прегратка и бакнеж за добра ноќ.
2. Воспоставете и применувајте правила
Добро дефинираните граници и правила ќе го обликуваат однесувањето на вашето дете сега и се додека не стане зрела личност. На децата им требаат граници, а од нас се очекува да бидеме авторитет и да ги поставиме тие граници. Родителите треба да постават цврсти правила од самиот почеток. Но, исто така авторитетната фигура, подразбира да родителот не смее да плаши да применува ограничувања дури и кога тоа предизвикува детето да биде вознемирено.
3. Бидете нежни
Децата, пред сè, имаат потреба да се чувствуваат сакано, а многу студии ја докажале важноста да се покаже топлина и нежност кон децата. Прегратките се гест на приврзаност, благодарност и признание. Детето кое често е гушкано добива позитивен концепт за себе, додека детето кое не се гледа дома и не добива никакви облици на наклонетост ќе се запраша дали е воопшто сакано.
4. Одговорете на вашето дете
Не реагирајте – одговорете. Да речеме дека вашето дете има испад на бес на дружење кај пријател затоа што сте му кажале дека е време да си одите дома. Избегнувајте ја вашата инстинктивна реакција, како што се лутина или викање. Наместо тоа, одговорете на ситуацијата и на она што детето го чувствува. Едноставна фраза како „Разбирам како се чувствуваш. И јас би била тажна“, заедно со прегратката понекогаш се сè што му треба на детето за да се чувствува подобро.
5. Бидете партнер на детето
Можеби најголемата продавница за играчки е среќното место на вашето дете, но тоа е најсреќно кога си игра со вас. Нема ништо што го поттикнува интересот на детето и промовира учење и развој во сите области од времето поминато со родителот.
