Веднаш ќе ви ја кажаме најважната работа – Не постои совршена мајка!
Дефиницијата за совршеност значи дека перфектно ги имаме поставено сите аспекти во животот и совршени вештини. Тоа значи дека би немале простор за понатамошен раст и развој.
Кога тежнееме кон совршенство и кога бркаме перфекционизам, и е му правиме добро на детето.
Зошто е тоа така? Бидеќи на децата со сопствениот пример им покажуваме дека се, освен совршенство, всушност е пропаст.
Учењето низ примери е најважно за децата. Тоа е дел од растењето и потребни се грешки. Како детето расте, расте и мајката, собира мудрост и искуство по тој пат, а тоа дефинитивно вклучува и успеси и падови.
СОВЕТИ ЗА “НЕСОВРШЕНИ“ МАЈКИ
- Грижете се за себе
Најдобрата работа што може да ја направите за вашето семејство е да се грижите за себе, своето тело и дух. Обично мајките се ставаат на последно место, премногу се фокусираат да дадат се од себе и неретко поради тоа се преморуваат, па дури и разболуваат. Кога се грижите за себе, креирате поздрав простор за грижа за децата.
- Сакајте се и прифатете се себи си
Мајките се неверојатни кога е во прашање бескрајната љубов кон детето. А, што кога е во прашње љубовта кон себе? Колку често себе се критикувате, го судите сопствениот труд, се понижувате? Размислете за ова.
- Креирајте живот и надвор од детето
На детето ќе му бидете потребни на различни начини – исхрана, нега, љубов. Како детето расте, така му се менуваат потребите. Да, потребно е да бидете присутни во животот на детето. Исто така, неопходно е да имате и одвоен живот – пријатели, интереси, активности без детето.
- Научете а се извините
Кога ќе направите грешка, кога претерано реагирате, ќе направите нешто што ги повредило другите, научете да се извините.
- Бидете отворени за повратна информација
Децата комуницираат преку однесувањето и преку зборовите. Слушајте ги кога имаат нешто да ви кажат, обрнете внимание на нив. Можеби нема комплетно да се согласите со детето, но покажете дека слушате и дека ви значи нивното мислење.
- Поминувајте квалитетно време со детето
Денес родителите се многу повеќе зафатени од претходно. Сепак, квалитетното време е многу важно. Потребни им се рутини со вас. Нека тоа ви биде приоритет секој ден.
- Не сфаќајте го детското лошо однесување лично
Растењето на детето и независноста често доведуваат и до конфликт. Немојте однесувањето на детето да го сфаќате лично. Тоа повеќе има врска со развојот на детето, отколку со вас.
- Покажете емоции, но не го оптоварувајте детето
Морате да ги научите многу важна лекција – како да се носат со емоциите. Кога нешто чувствувате, на пример тажни сте, тоа сигурно влијае на вашето расположение. Сосема е во ред на детето да му објасните дека сте тажни поради нешто и зошто сте тивки. Ваквиот дијалог ќе создаде здрава атмосфера, но во исто време ќе му дадете можност на детето да ги сфати вашите чувства и да не мисли дека тоа е виновно за тоа. Многу често, тие мислат дека се виновни за вашите емоции и реакции.
- Дозволете му на детето да биде она што е
Секое дете има свој темперамент и карактеристики. Секако дека како родители сакаме да влијаеме, да ги формираме и создадеме најдобро од нив. Децата знаат кој се и што сакаат. Наш дел од работата е да пронајдеме баланс помеѓу влијанието и охрабрувањето. Пуштете го детето да биде она што е сводење, љубов и поддршка.
Мајчинството е индивидуално патување и секогаш е проследено со различни искуства и емоции. Има тука и моменти на грижа, бес, тага, срам, радост, благодарност…
Кога трчаме по совршенство, ја губиме можноста да разбереме колку се предизвикувачки некои емоции, а од нив, најмногу учиме за себе. Колку мајките се поподготвени да ги делат своите емоции и да зборуваат за своите потреби, ќе се подобрат себе си и ќе бидат посреќни.
А среќна и задоволна мајка е основата на она што се нарекува – ДОБРА МАЈКА!
