![kalcium (2)](https://pedijatar.mk/wp-content/uploads/2023/03/kalcium-2-696x464.jpg)
Хипокалцемија е состојба кога нивото на калциум во крвта на детето е премногу ниско. Имено, калциумот е минерал кој му е потребен на телото за да изгради здрави коски и заби. Исто така помага и за добро функционирање на нервите, мускулите и срцето. Децата со ниско ниво на калциум можат полесно да се разболат и подоцна да имаат проблеми со коските или нервите доколку постоечката состојба не се лекува навреме.
Калциумот во крвта може да биде премногу низок ако исхраната на детето е сиромашна со калциум или има премалку витамин Д, што му помага на телото да го апсорбира калциумот
Кои се знаците на недостаток на калциум кај децата?
Симптомите на недостаток на калциум, т.е. хипокалцемија, зависат од тоа колку е низок калциумот кај детето и колку брзо се случил падот. Детето може да биде нервозно, да повраќа, да изгледа слабо или летаргично, да се грчи или да се тресе, да јаде послабо, да се чувствува тромо, па дури и да има епилептични напади, пишува „Kids Health“.
Исто така, некои деца со дефицит на калциум може да имаат знаци на рахитис – метаболичко нарушување карактеристично за детската возраст, предизвикано од недостаток на витамин Д, фосфати и калциум.
Калциумот во крвта може да биде премногу низок ако исхраната на детето е сиромашна со калциум или има премалку витамин Д, што му помага на телото да го апсорбира калциумот. Иако се јавува доста ретко, и новороденчињата може да имаат неонатална хипокалцемија, здравствен проблем што предизвикува нерамнотежа на калциум во организмот.
Иако се јавува доста ретко, и новороденчињата може да имаат неонатална хипокалцемија, здравствен проблем што предизвикува нерамнотежа на калциум во организмот
Како што објаснуваат педијатрите, хипокалцемијата е почеста кај бебињата отколку кај постарите деца. Најзагрозени се доенчињата родени рано или со мала родилна тежина и оние кои имале тешко породување или биле родени од мајка со дијабетес.