Во денешниот свет во кој родителите многу работат и живеат забрзано, децата може да се почувствуваат запоставено. Колку и да ви се чини дека тие постојано бараат внимание, овие знаци можат да бидат и “предупредување“ дека тоа навистина им недостасува. Според психолозите, недостатокот на внимание и посветеност на децата може да има долгорочни последици врз однесувањето. Еве неколку знаци кои можат тоа да ви го стават до знаење.
Приврзаност
Децата можат да покажуваат знаци на приврзаност доколку добиваат премногу внимание, а понекогаш и поради недоволното внимание. Приврзаноста често произлегува од потребата да се чувствувате безбедно и заштитено. Затоа, ако забележите дека вашето дете постојано ве држи или следи, обидете се повеќе да му се посветите.
Необјаснети изливи на гнев, особено кај постарите деца
Необјаснивите изливи на бес можат да бидат загрижувачки, но тие не се случуваат без причина. Една од можните причини е недостатокот на внимание. Дете кое е “гладно“ за внимание ќе направи се што е во негова моќ за да го добие, дури и ако тоа значи правење сцена во јавност без причина. Изливите на бес вклучуваат викање, врескање или плачење.
Агресивност
Децата кои бараат внимание често се однесуваат агресивно. Ова може да вклучува фрлање работи, удирање, самоповредување и повредување на другите. Тоа е еден од најлесните начини децата да го привлечат вниманието на своите родители.
Барање помош дури и кога не е потребна
Детето кое бара внимание постојано ќе бара помош. Дури и ако е способно да направи нешто самостојно, ќе се обрати на родителот ако копнее за внимание.
Бавност
Децата се мали, но ако го сакаат вашето внимание, можат намерно да бидат бавни или полека да ги завршуваат задачите што сте им ги дале. Се надеваат дека и нивните родители ќе ги забележат и ќе им помогнат.
