Меѓународна група на научници направила голем чекор во откривање на промените во мозокот во состав на феталниот алкохолен спектар на пореметување (ФАСП). Тие откриле дека тинејџерите кои во матката биле изложени на алкохол, имаат променети мозочни врски во склад со ослабени когнитивни способности. До тоа дошле со сминање на мозокот со магнетоенцефалографија (МЕГ), и со анализа на снимките со алатки развиени со помош на теорија на хаосот. ФАСП е еден од водечките причини за интелектуални слабости.
Когнитивни способности
Иако знаат дека алкохолот предизвикува промени во мозокот на фетусот, научниците не се сигурни како тоа го прави. Тимот развил софистицирана компјутерска техника за идентификување на подрачјата на мозокот активни за време на снимањето со МЕГ. Со компјутерска анализа на податоци од 19 пациенти со ФАСП и 21 здраво лице, откриле во група со ФАСП, неколку подрачја во мозокот со ослабени врски. Оние кои биле изложени на алкохол во матката имале и тешкотии во белата мозочна маса која ги поврзува мозочните половини.
Недостатоците во тоа подрачје забележани се кај лицата со шизофренија, аутизам, мултиплекс склероза, депресија.
“Децата чии мајки во бременоста пиеле алкохол, патат поради ослабени когнитивни способности. Студијата покажува дека не постои безбедна количина алкохол во бременоста, ниту период во бременоста во кој е сигурно да се консумира алкохол“, изјавил проф. Лин Гао, еден од авторите на студијата.
