Лулањето на бебето често се смета за потсвесен чин и повеќето луѓе не размислуваат многу за тоа кога ги држат децата во прегратка и притоа нежно ги лулаат/ Но, науката верува дека зад држењето на бебе во прегратка крие многу повеќе од она што се гледа на прв поглед.
Според големо научно истражување, постои изненадувачки образец во начинот на кој луѓето го држат бебето во раце. Забележано е дека повеќето возрасни го лулаат бебето на левата страна на телото, без оглед на тоа дали се левораци или деснораци. Уште од минатиот век, истражувачите во различни делови во светот, се обидуваат да истражат зошто луѓето ја преферираат токму таа страна кога ги лулаат бебињата.
Во истражувањето објавено во Neuroscience and Biobehavioral Reviews, тимот што го предводел авторот Џулијан Пакистер, анализирал 40 студии пред донесување на заклучокот.
Студијата открила дека околу 66 до 72 проценти од сите луѓе го држат новороденчето на лева рака. Изненадувачки е дека таа бројка дури е поголема кај деснораките, во однос на левораките.
Примарната причина поради која возрасните ја преферираат левата страна, може да биде таа што чувствата се обработуваат во десната хемисфера на мозокот која е поврзана со левата страна на телото. Уште една причина зошто луѓето ги носат бебињата на лева страна може да биде таа што луѓето сакаат со десната или доминантна рака да може слободно да носат други предмети или да преместуваат работи.
Сепак, отчукувањето на срцето исто така може да биде дна од причините.
Според некои стручњаци, срцето чука на левата страна на телото, па тоа би можели да биде причината зошто повеќето родители или луѓе блиски на бебето, сакаатд а го носат детето на левата страна, за да тие можат да ги почувствуваат и чујат нивниот срцев ритам.
