Според новата студија објавена во „British Journal of Ophthalmology“, повеќе деца можеби станале кратковиди како несакан ефект на Ковид-19 пандемијата.
Нашите резултати служат за предупредување на професионалци за нега на очи, како и креатори на политики, едукатори и родители, дека се потребни колективни напори за да се спречи миопија кај децата – потенцијална криза во јавното здравје како резултат на Ковид-19, велат авторите на студијата
Истражувачите ги анализирале податоците од тестот за очи од околу 2.000 деца на училишна возраст во Хонг Конг.
Откриле дека стапката на кратковидост (миопија) е двојна поголема отколку во пред-пандемиската студија на деца на иста возраст.
Истражувачите предупредија дека зголеменото време пред екраните и намаленото време надвор на отворено се вмешани во развојот на миопија.
„Покажавме потенцијално зголемување на инциденцата на миопија, значително намалување на времето поминато на отворено и зголемување на времето поминато пред екраните кај учениците во Хонг Конг за време на Ковид-19 пандемијата“, пишуваат авторите на студијата.
„Нашите резултати служат за предупредување на професионалци за нега на очи, како и креатори на политики, едукатори и родители, дека се потребни колективни напори за да се спречи миопија кај децата – потенцијална криза во јавното здравје како резултат на Ковид-19“. (Healthline)
