Бременоста може да ги поремети навиките на спиење кај жената. Во текот на првиот триместар, трудницата е изразено поспана. Поспаноста во почетокот е вообичаена и е резултат на хормонските промени во организмот на идните мајки. Поспаноста исчезнува кон крајот на третиот месец од бременоста.
За време на вториот триместар трудниците обично немаат проблеми со спиењето. Како стомакот расте може евентуално да се јави страв дека ќе се притисне детето, ако мајката спие на стомак или на страна. Од тоа не треба да стравуваат, оти детето е окружено со плодова вода и се прилагодува на промените на положбата на телото на мајката и никогаш не е притиснато. Затоа спијте во положба која вам ви е удобна, препорачуваат лекарите.
Но, кон крајот на бременоста несоницата е се почеста. Стомакот е се поголем, и на бремената жена и е тшко да се намести и да најде удобна положба за спиење, а и се случува навечер детето да е поактивно, па да ја буди мајката со удари. Можни се и изненадни грчеви во нозете кои будат од сон.
Оттука се препорачува да се искористи секој слободен момент во текот на денот за одмор и спиење, за да се надомести она што се пропуштило во текот на ноќта. Се советува и нејадење доцна навечер пред спиење, да се консумира црн чај или кафе. Прошетките и некој чај од билки може да делуваат за опуштање на идната мајка и полесно заспивање.
Ако се јават болни грчеви во нозете помага масажа, вежбање кое ја подобрува циркулацијата и го елиминира заморот.
