Според резултатите од нова студија објавена во стручното списание Journal of Obesity, се чини дека поддршката на жените да практикуваат здрава исхрана пред бременоста може да го намали ризикот од прекумерна телесна тежина кај нивните деца. Инаку, инциденцата на обезност во детството е во пораст ширум светот, а во Велика Британија речиси една четвртина од децата помлади од пет години имаат прекумерна телесна тежина или се обезни. Тоа се зголемува на повеќе од една третина до моментот кога децата тргнуваат во средно училиште.
Децата кои се обезни поверојатно е да бидат возрасни лица со прекумерна телесна тежина, со долгорочни последици по нивното здравје, а нездравата исхрана е важен фактор кој придонесува за тоа.
Ова истражување открило дека децата на возраст од осум или девет години имаат поголема веројатност дека ќе бидат обезни ако нивната мајка имала лоша исхрана во текот и пред бременоста.
