Во текот на изминатите неколку години, нежното родителство стана популарна тема. Оваа идеологија се фокусира на тоа да не бидеме строги во дисциплинирањето на децата. Наместо тоа, ги учиме на смирен начин и не ги критикуваме.
Меѓутоа, студија која ја спровеле истражувачи од Државниот универзитет во Колорадо покажала дека строгоста и дисциплината имаат позитивно влијание врз растот и развојот на децата. Освен тоа, стриктното време за спиење всушност може да ја подобри меморијата и развојот на мозокот кај децата. Во истражувањето биле вклучени 94 деца на возраст од пет до девет години, од различни економски средини.
Водачот на студијата, професорката Емили Мерц, вели: “Недостатокот на сон може да биде поврзан не само со структурата на мозокот, туку и со функцијата на мозочните склопови за обработка на емоции кај децата. Ова може да објасни зошто намалениот сон води до поголема чувствителност на негативни емоции”, објаснува таа,
Иако повеќето истражувања за развојот на спиењето се фокусираат на тинејџерите, ова истражување ја нагласува важноста од проценка и поддршка на здравјето на сонот на децата пред да влезат во адолесценција, објаснува Мерц.
„Детството е чувствителен период во развојот кога искуствата од околината можат да имаат силно и трајно влијание врз мозокот“, истакнува таа.
Посебно истражување на Академијата на науките во Северна Каролина покажа дека тинејџерите имаат подобри резултати на тестовите откако спиеле осум часа и не користеле мобилни телефони пред спиење.
Значи, иако нежното родителство има свои предности, дисциплината може да биде клучна за здрав развој на детето.
