Фотографија со Дедо Мраз е традиција која многумина ја обожуваат. На родителите им е значајна заради посебната атмосфера, семејните дружења, додека децата сепак најчесто ги восхитуваат подароците кои им ги даваат по фотографирањето. Дури и ако нема подароци барем може да ја искористат ситуацијата да му ги шепнат своите желби на Дедо Мраз.
Меѓуота, не се сите деца исти. На некои деца дедото со бела брада и црвен костим им предизвикува страв, а не радост. Сепак, и покрај солзите и паниката, родителите инсистираат на фотографија за спомен.
Стручњаците сметаат дека тоа е грешка. Тие нагласуваат дека е дури и опасно да ги терате децата на сила, ако веќе толку се плашат, да се сликаат со Дедо Мраз.
„Да го присилите детето да седи во скут на Дедо Мраз, странец кај кој не се чувствува пријатно, никогаш не е добра идеа„, објаснува д-р Џастин Коулсон, кој и самиот е татко на шест деца.
“Таквото однесување може да се поистовети со насилство„, додава Коулсон. Тој објаснува дека една ваква ситуација нема да остави голема трага во развојот на детето, но ако ваквите ситуации се повторуваат, децата стекнуваат впечаток дека на родителите не им е важно како тие се чувствуваат.
