Вработените родители неретко се борат со времето и неможноста да вниманието во целост го посветат на работата или детето. Нешто секогаш им го одвлекува вниманието и нивниот ден никогаш нема доволно часови да го реализираат се што сакаат. Поради тоа често се вознемирени и чувствуваат вина. Стручњаците советуваат како да си го олесните балансирањето помеѓу родителството и работата.
КВАЛИТЕТОТ Е ПОВАЖЕН ОД КОЛИЧИНАТА
Повеќето вработени родители се грижат дека не поминуваат доволно време со своите деца кои се или во градинка или на чување, повеќето денови. Не можеме да го продолжиме денот, но можеме максимално да го искористиме времето што ни е дадено со децата.
Наместо да се грижите за тоа колку малку време поминувате со децата, фокусирајте се на заедничките моменти и уживајте во нив максимално. Бидете присутни кога сте заедно и тоа ќе биде доволно.
Уште начин да се ослободите од непотребниот стрес е да поставите што појасни граници меѓу вашиот деловен и приватниот живот. За почеток, одолејте на потребата да бидете постојано присутни на мејлот или службениот мобилен телефон, после работното време.
Истото важи и за границите за време на работа. Не организирајте никаква приватна активност која не е неопходна, одење на забар, правење колачи за училишниот ден или нешто слично во работното време, дури и ако работите како хонорарец или од дома.
ЗНАЈТЕ ГИ ВАШИТЕ ПРИОРИТЕТИ
Важно е да ги освестите семејните вредности за во секој момент да ги знаете своите приоритети, она што ви е најважно и што нема да пропуштите. Иако социјалните мрежи можат да создадат слика на совршена жена, мајка и претприемач, тоа не треба да не оптоварува бидејќи реалноста бара поинаква прераспределба на улогите. Нашите приоритети го одредуваат текот на сите настани, приватни и деловни.
Не треба да работите напорно, но обидете се да работите паметно. Предвидете ги големите проекти и обврски и подгответе се за нив на време. Научете да ги делегирате работите и на работа и дома. Поставете модели кои најмногу ги поддржуваат вашите вредности и научете да барате и прифаќате помош кога ви е потребна.
