Како родители, правиме секакви грешки, а понекогаш во лутина кажуваме работи што навистина не ги мислиме, или можеби не сме ни свесни како некои од нашите зборови им звучат на нашите деца.
Експертите предупредуваат дека една навидум безопасна фраза што родителите често ја кажуваат всушност ја уништува самодовербата на детето и остава длабока трага во формирањето на неговата личност.
Во оваа смисла, една од „најопасните“ фрази, велат експертите, е „изгуби ми се од пред очи“ или некои варијации: „Тргни се од мене“, „Ако се однесуваш вака, не ми требаш!“ Јасно е дека родителите тоа го кажуваат само во лутина, без навистина да го мислат, но оваа изјава го поткопува основното чувство на сигурност, создава страв од отфрлање и јасно дава до знаење дека родителската љубов може да заврши во секој момент.
Зошто оваа фраза е толку опасна?
Таа покренува страв бидејќи детето мисли „никому не ми требам“ – Децата зборовите ги сфаќаат буквално. Ако кажете „замини“, тие не размислуваат за контекстот, туку чувствуваат дека стануваат непотребни. Страшно е, особено ако доаѓа од најблиската личност на светот.
Се формира траума на приврзаност – Детската психа сè уште се развива, а чувството што детето го формира кон светот директно зависи од тоа дали има стабилен однос и поврзаност со родителите. Од друга страна, фразите како „изгуби ми се од пред очи“ создаваат чувство на нестабилност: детето не знае што ќе се случи утре, дали може повторно да им верува на родителите, дали мама и тато го сакаат …
Нивната самодоверба опаѓа, а долгорочно – Од оваа фраза изговорена од мама или тато, детето заклучува „Јас сум лош/а, не сум сакан/а, нешто не е во ред со мене“. Ова потоа се претвора во анксиозност, сомнеж во себе, потешкотии во градењето односи и страв од отфрлање.
Што да се каже наместо оваа токсична фраза
Ако сте на раб со нервите, уморни или лути, важно е да ги изразите своите емоции без да го прекинете контактот со вашето дете:
- „Тешко ми е моментално, ми треба малку тишина“ – на овој начин ги изразувате вашите потреби без да го обвинувате детето.
- „Лут/а сум затоа што ми е важно да ме слушнеш“ – оваа изјава е сосема фер и недвосмислена.
- „Те сакам и кога сум лут/а“ – Оваа фраза му го дава на детето најважното нешто, сознание дека љубовта никогаш не завршува.
