Нискиот крвен притисок (хипотензија) за време на бременоста најчесто не предизвикува значајни здравствени проблеми, а повеќето жени може да го лекуваат дома. Меѓутоа, многу нискиот притисок може да биде причина за загриженост.
Што предизвикува нискиот крвен притисок за време на бременоста?
Бременоста е причина за многу промени, бидејќи женското тело се прилагодува на напорите кои се потребни за создавање на нов живот. Затоа прегледите во бременоста се многу важни. За време на секој преглед, веројатно ќе ви го измерат и крвниот притисок.
Крвниот притисок може да варира, зависно од нивото на енергија, нервозата, начинот на живот и стресот. Крвниот притисок, исто така може да биде и висок и низок, во зависност од времето во денот.
Крвниот притисок може да биде низок во првите 24 недели од бременоста. Тоа веројатно е предизвикано од васкуларниот систем, бидејќи вените се шират за да дозволат проток на крв во матката.
Иако е тоа вообичаено, некои други фактори може да допринесат за одредени проблеми и да предизвикаат пад на крвниот притисок, повеќе од вообичаено. Кај трудниците тоа може да предизвика:
- Алергисти реакции
- Инфекции
- Долготрајно лежење во кревет
- Дехидрација
- Неухранетост
- Внатрешно крварење
- Анемија
- Проблеми со срцето
- Ендокринолошко пореметување
Многу нискиот притисок во бременоста може да биде знак за компликации во раната бременост, како што е ектопична бременост, каде што оплодената јајце клетка се имплантира на друго место, а не во матката.
Симптоми на низок притисок во бременоста се:
- вртоглавица или збунетост
- мачнини
- зашеметеност која може да предизвика несвестици, особено по брзо станување
- замор кој може да се влоши во текот на денот
- отежнато дишење
- жед, дури и откако ќе консумирате течности
- студена и бледа кожа
- проблеми со видот, како што се замаглен вид или дупло гледа
- депресија
Кои се ризиците по бебето
Еден од примарните ризици за жените со низок кривен притисок е паѓање предизвикано од несвестиците. Некои жени со низок притисок кои брзо стануваат, по седење или лежење, може да се онесвестат. Честитите несвестици може да бидат опасни, особено во бременоста, бидејќи жената може да се повреди ако падне, а слабата циркулација може да влијае на некои внатрешни проблеми.
Многу нискиот крвен притисок може да резултира со оштетување на органите и да спречи крвта да дојде до детето, што претставува ризик за здравјето на детето, но нискиот крвен притисок најчесто нема сериозни компликации.
Лекување на нискиот крвен притисок во бременоста
Нискиот крвен притисок во бременоста обично не се лекува, но може да се обидете да ги ублажите симптомите. Крвниот притисок најчесто се враќа во нормала во третото тромесечје од бременоста.
- Треба подолго време да се одмора: повремено одморање преку денот може на телото да му се даде време да се опорави и да се намали заморот.
- Потребно е да се пијат многу течности.
- Јадете повеќе пати на ден, но помали оброци. Консумирајте разновидни намирници богати со хранливи материи.
