Бременоста и породувањето може да бидат застрашувачки период за жените, особено во последните неколку недели, додека го чекаат раѓањето на нивното дете.
Станува збор за тест на крвта направен од истражувачите од Stanford University of Medicine, а очекуваат нивните наоди да бидат искористени за да се создаде работен тест во следните две до три години
Многу мајки се загрижени затоа што не знаат што да очекуваат, но истражувачите велат дека работат на развој на тест на крвта кој наскоро ќе може да предвиди кога жената ќе се породи. Тоа значи дека бремените жени ќе можат да планираат однапред.
Тестот треба да може да предвиди датум со двонеделна временска рамка, но истражувачите се надеваат дека ова би можело да стане уште поточно со развојот на технологијата.
Покрај тоа, може да се предвиди ризикот од предвремено породување, што може да помогне во обезбедување на позитивен исход за мајката и бебето.
Станува збор за тест на крвта направен од истражувачите од Stanford University of Medicine, а очекуваат нивните наоди да бидат искористени за да се создаде работен тест во следните две до три години.
Д-р Ина Стелцер, водечка авторка на студијата, рече: „Откривме премин од „напредување на бременоста“ во фаза „пред породување“, која всушност се случува две до четири недели пред да започне породувањето.
Најпредвидлив маркер бил протеинот IL-1R4, кој спречува воспаление
Ина и нејзиниот тим вклучиле 63 жени во истражувањето кои дале два до три примероци на крв во последните 100 дена од бременоста и забележале одредени промени и сигнали во нивната крв.
Анализирани се над 7.000 маркери во примероците, вклучувајќи протеини, хормони и имунолошки клетки. Математичко моделирање било користено за да се утврди кои крвни маркери најдобро го предвидуваат породувањето. Откриено е дека неколку недели пред породувањето, во крвта на жената е присутен наплив на стероидни хормони како што се кортизол и прогестерон. Исто така, крвта имала пониско ниво на хемикалии кои ги сочинуваат крвните садови – што укажува на тоа дека плацентата и матката се распаѓаат. Покрај тоа, маркерите за згрутчување на крвта биле повисоки додека телото се подготвувало за спречување на сериозно губење на крв за време на породувањето. Конечно, најпредвидлив маркер бил протеинот IL-1R4, кој спречува воспаление.
Пет учесници се породиле предвреме, но промените во крвта, сепак, можеле да се откријат неколку недели порано, пренесува „Daily Star“.
