Вирусот кој предизвикува КОВИД-19 не е ист сој како оној кој прв пат се појави во Кина. Нова студија покажува дека вирусот е малку изменет и е станат позаразен за луѓето.
Во споредба со изворниот сој, луѓето заразени со новиот сој – наречен 614G – имаат поголеми вирсни оптоварувања во носот и во грлото, иако изгледа дека не се болни. Но, тие се многу позаразни за другите, пишува стручниот портал WebMD.
Новиот сој ги има променето протеините на класовите – подрачја на надворешната обвивка што се приврзуваат на нашите клетки и ги заразуваат, па поради тоа, сојот 614G е и десет пати позаразен отколку изворниот сој откриен во Кина. Промената го прави да многу брзо минува од клетка до клетка во телото, размножувајќи се со голема брзина.
Експериментите кои ги спровел Ралф Бариц, професор по епидемиологија, микробиологија и имунологија на Универзитетот Северна Каролина, покажуваат зошто сојот 614G, кој прв пат се појавил во Европа во февруари, брзо се проширил низ светот.
Професорот наведува дека вирусот најверојатно преминал од лилјаците на луѓето, а би можело да се заразат седум милијарди лица. Вирусите со генетски предности кои им помагаат побрзо да се копираат и побрзо да се пренесуваат помеѓу домаќините се верзии кои преживуваат и лесно се пренесуваат.
“Значи, може да скока од лице на лице и ќе биде еден од најконкурентните вируси во смисла на одржување“, вели проф. Бариц, еден од најистакнатите светски стручњаци за коронавируси.
Новата студија ги поддржува претходните истражувања на тим научници предводен од д-р Бет Корбер од Националната лабораторија Лос Ламос. Тимот прв го забележал брзото ширење на новиот сој и се прашувал дали вирусот се развива на начин кој побрзо се пренесува помеѓу луѓето.
Во новите експерименти, животните заразени со новиот сој 614G го пренеле вирусот многу побрзо на здрави животни од оние заразени со изворниот сој.
Истражувачите тестирале и антитела издвоени од крвта од луѓето кои биле заразени и со изворниот и со новиот сој на вирусот и не забележале никакви значајни разлики во тоа како антителата реагирале на нутрализирање на вирусот, што, велат научниците, е добра вест.
