Колку се важни вистинските информации во овие несигурни времиња, на сите ни е јасно, а најмногу на експертите од Светската здравствена организација, кои сакаат да запомниме некои работи.
ОВА СЕ ФАКТИ И НИВ ДОБРО ЗАПОМНЕТЕ ГИ!
ВИСТИНА ИЛИ МИТ: Маска треба да носите и додека вежбате
Не треба да носите маска додека вежбате, оти таа може да ја намали можноста за “пријатно“ дишење. Потта може да ја натопи маската што дополнително ќе го оневозможи дишењето, но ќе создаде и можност за развој на микроорганизмите. Добра заштитна мерка во тие ситуации е дистанцата и дезинфицирање на предметите кои ги користите.
ВИСТИНА ИЛИ МИТ: Постои шанса вирусот да се шири и преку чевли
Шансите вирусот да се шири преку чевли и така да се зарази друго лице се многу мали. Како мерка на претпазливост, ако имате мали деца кои лазат на под, е чевлите да ги оставите пред врата, или веднаш да ги ставите во плакар.
ВИСТИНА ИЛИ МИТ: Повеќето луѓе со КОВИД-19 се опоравуваат
Повеќето пациенти имаат благи до умерени симптоми, и со правилна нега се опоравуваат. Сепак, ако имате температура и кашлате, но и тешко дишите, побарајте помош од лекар, така што прво телефонски ќе го контактирате.
ВИСТИНА ИЛИ МИТ: Во моментов нема лек за лекување или превенција на болеста КОВИД-19
Траат проверките, но во моментов нема лек кој би ја лекувал или превенирал оваа болест. СЗО ги координира сите процеси на развој и откривање на секој лек кој ќе штити и лекува од болеста КОВИД-19.
ВИСТИНА ИЛИ МИТ: Додавањето бибер во супата нема да ве заштити, ниту да ве излекува
Со додавањето на бибер во супата, иако е многу вкусно, не можете да спречите инфекција или да се излекувате од болеста. Најдобар начин на заштита е физичката дистанца и редовното миење раце.
ВИСТИНА ИЛИ МИТ: Изложувањето на сонце и високи температури нема да ве заштити од вирусот
Можете да се заразите без разлика на тоа колку степени е температурата надвор, а земјите во кои надворешната температура е константно висока, не се заштитени од случаи на зараза.
