Родителите неретко се среќаваат со проблем кој се јавува која ќе одлучат да добијат уште едно дете. Првото дете често може да се чувствува занемарено и луто, но тоа може да се спречи.
Според Американското здружение на педијатри, децата реагираат на доаѓањето на бебе во семејството во зависност од возраста. Прочитајте што да очекувате и како на детето најдобро да му соопштите за радосната вест.
ДЕЦА НА ВОЗРАСТ ОД ЕДНА И ДВЕ ГОДИНИ
Овие деца нема во целост да ја сфатат веста, но ќе ја чувствуваат среќата на своите родители. Мама и тато треба што повеќе да разговатаат за бебето и детето ќе го почувствува нивниот ентузијазам. Родителите можат на детето да му читаат сликовници за принова во семејството.
На оваа возраст, на децата им е потребно многу време и внимание од нивните родители. Кога ќе пристигне бебето, секако треба да се погрижат да издвојат време за првото дете или да имаат некоја посебна активност со него, за да не се чувствува занемарено.
ДЕЦА НА ВОЗРАСТ ОД ТРИ И ЧЕТИРИ ГОДИНИ
На оваа возраст, повеќето деца се многу приврзани за своите родители и може да имаат проблем да ги делат со некој друг. Поради новото бебе, може да се чувствуваат загрозено и љубоморно, а како би ги избегнале таквите чувства, Американското здружение на педијатри предлага:
Почекајте за објава на бременоста некое време или додека стомакот на мајката не почне се забележува и не почнат да се поставувата прашања
- Читајте книги за ново братче или сестриче
- Бидете искрени. Кажете му на детето дека бебето ќе биде слатко, но и малку немирно и дека ќе му треба внимание. И дека ќе биде потребно да помине извесно време додека не почне да си игра со него
- Дајте му до знаење на детето дека ништо помалку нема да го сакате
- Поттикнете го детето да ви помогне во планирањето и купувањето работи за новото бебе
- Дајте му на детето кукла за да може да се грижи за “своето’ бебе
Планирајте големи промени во рутината на детето како ќе се приближува доаѓањето на бебето. Ако е можно, одвикнувањето од пелени би требало да биде завршено пред бебето да дојде дома. Ако не е, одложете го одвикнувањтео додека работите малку не се смират
- Очекувајте препреки. Дајте му на детето дополнително внимание и пофалете го секој пат кога се однесува “зрело“
- Пред породувањето, кажете му на детето дека мама ќе биде во болница сигурно неколку дена
- Одвојте време за читање, играње и разговор. Тоа ќе го увери детето дека се е како претходно
Помогнете му на детето да се чувствува вклучено на начин да му дозволите да се гали со вас додека го храните бебето
ДЕЦА НА ПРЕДУЧИЛИШНА И УЧИЛИШНА ВОЗРАСТ
Кога децата ќе наполнат пет години, главно не се чувствуваат загрозено поради приновата во домот, но може да ви замерат за дополнително внимание кое му го посветувате на бебето. Американската академија за педијатрија советува:
- Објаснете му на детето што се случува на начин што може да го разбере
- Дозволете му детето да ви помогне во подготовките за бебето. Дете може да ви помогне при изборот на играчки и облека и да помогне во украсувањето на детската соба
- Детето нека ве посети во болница веднаш штом ќе се породите за да се чувствува вклучено
- Помогнете му на детето да ја најде својата улога во грижата за бебето
- Пофалете го секој нежниот гест на детето полн со љубов кон бебето
- Обидете се секојдневно да поминувате време само со постарото дете и обрнете внимание на неговите / нејзините потреби и активности
- Потсетете го постарото дете колку е посебно и колку го сакате.
