Едно од две хоспитализирани лица поради тешка форма на КОВИД-19, развиваат други здравствени тегоби, покажало истражувањето објавено пред три дена во кое биле опфатени над 70.000 пациенти во 300 британски болници.
Авторите на студијата, објавена во списанието The Lancet, тврдат дека резултатите до кои дошле покажале дека најчестите компликации по тешка форма на КОВИД-19 се однесуваат на бубрезите и белите дробови на пациентот.
Но, исто така, често се појавуваат и невролошки и кардиоваскуларни пореметувања.
Зачестеноста на компликациите кај тешко заболени пациенти со новиот коронавирус е голема дури и меѓу младите, кои дотогаш биле „здрави пациенти“, со 27 проценти од оние на возраст од 19 до 29 години кои развиваат компликации и 37 проценти од оние на возраст од 30 до 39 години, кои развиваат најмалку една компликација по хоспитализација поради КОВИД-19.
“Ова истражување е во спротивност со претходните дека КОВИД-19 е опасен само за луѓето со коморбидитети и повозраасни“, вели еден од авторите на студијата, професорот Калум Семпл, од Универзитетот во Ливерпул
“Сериозноста на болеста при прием во болница е индикација за компликации дури и кај помлади возрасни лица, така што превенцијата на развој на дополнителни здравствени проблеми бара примарна стратегија за спречување на болеста односно вакцинација“, додава тој.
Резултатите од студијата исто така покажуваат дека компликациите се почести кај мажите отколку кај жените. По тешка форма на КОВИД-19 И излегувањето од болницата, еден од тројца пациенти не бил во можност да се грижи за себе, без оглед на возраста, расата или полот.
