Мачнините се чест и непријатен придружник на раната бременост и погодуваат околи 85% од бремените жени. Не е сосема јасно зошто некои жени ги имаат, а некои не, но најново истражување покажало дека освен витаминот Б6 и ѓумбирот, земањето пробиотици може значајно да ги намали симптомите на гадење во првото и второ тромесечје од бременоста.
Добри бактерии
Пробиотиците се добри бактерии кои ги населуваат ѕидовите на цревата, а бидејќи хормоналните промени за време на бременоста влијаат на цревниот микробиом, гадењето и повраќањето се вообичаени придружници на првиот триместар.
Придобивките од земање пробиотици за намалување на утринската мачнина неодамна беа истражени за прв пат на Универзитетот во Калифорнија, како дел од мала студија. Резултатите се објавени во списанието Nutrients.
Подобар квалитет на живот
Иако се работи за истражување со пократко времетраење и со помал број учесници, резултатите се интересни. Земањето пробиотици ја намалило појавата на мачнина за 16% и повраќање за 33%.
Пробиотиците ги олесниле и тегобите поврзани со констипацијата и општо го подобриле квалитетот на животот на испитаниците. Тие се чувствувале помалку уморни и имале подобар баланс помеѓу работата и секојдневниот живот.
Пробиотиците се сметаат за безбедни за употреба за време на бременост и доење, а освен што ја намалуваат мачнината, докажано е дека се ефикасни и за спречување на одредени воспаленија предизвикани од бактерии во бременоста.
