Кога е во прашање исхраната на децата, постојат некои врежани правила со кои пораснале генерации. Но, изгледа дека е крајно време да ги заборавиме тие правила, а мајката на две деца и нутриционист Шарлот Стирлинг-Рид открива и зошто.
Имено, таа често објавува совети на социјалните мрежи за да им даде на родителите правилни упатства во врска со исхраната на децата во морето погрешни што ги пренесуваат нестручни лица. Токму затоа таа во една од своите објави реши да ги разоткрие митовите, па ги наведе и „правилата во исхраната на децата кои можете целосно да ги игнорирате“.
Еве ги се правила се на нејзината листа:
- Не треба да си играат со храната
- Прво треба да изедат нешто солено
- Не може да добијат десерт додека не го завршат оброкот
- Не смеат да станат од масата додека сите не го завршат оброкот
- Мора да изедат се што е во чинијата
- Мора да земат „само еден залак“
- Во методот на хранење „бебето ја води дохраната“ (baby-lead weaning), не можете да користите лажица
Родителите побрзаа да го кажат своето мислење во коментарите, а најмногу полемики предизвика четвртото правило.
„Не сакам луѓето да стануваат од масата додека сите не го завршат оброкот, зарем тоа не се основни правила за добри манири?“, „Јас лично не се согласувам со правилото број четири. Мислам дека е прашање на почит да се остане на масата до крајот на оброкот и тоа треба рано да го научат, дури и ако тоа значи дека откако ќе го изедат оброкот ќе си играат со играчките на столот“, напишале тие, на што нутриционистката одговара дека „малку е поинаку кога е во прашање на бебе и мали деца, но секое семејство има свои правила“.
