Иако има деца кои се многу пребирливи кога станува збор за храна и треба одвреме-навреме да се потсетуваат да изедат нешто за да не се разболат, во повеќето случаи нашите малечки одбиваат да јадат ако се чувствуваат лошо, ако се уморни, имаат некоја болка или едноставно не се доволно гладни за да јадат.
Нутриционистката Тејлор Арнолд, која е специјализирана за нарушувања во исхраната кај децата и младите, редовно објавува совети за родителите за навиките во исхраната на нивните деца на TikTok. Така, во едно видео таа објаснува зошто апсолутно не е добро да го присилувате детето да јаде ако тоа не сака.
Дополнително, ако го принудувате детето да јаде кога не сака, тоа може да има долгорочни последици, како што е нарушување во исхраната
„Често можам да слушам дека родителите го присилуваат своето дете да јаде, велејќи му дека не смее да стане од масата додека не го изеде својот оброк и слично. Тоа е сосема погрешно бидејќи во повеќето случаи детето не јаде затоа што нешто го боли, се чувствува лошо или едноставно не е гладно. На тој начин, детето само ќе почувствува уште поголема одбивност спрема храната. Дополнително, ако го принудувате детето да јаде кога не сака, тоа може да има долгорочни последици, како што е нарушување во исхраната“, предупредува Арнолд.
