Ново истражување дошло до заклучок дека исхраната на британските деца е една од најлошите во светот. Истражувачите од Универзитетот Сао Паоло во Бразил ја споредиле исхраната на повеќе од 66.000 деца и откриле дека исхраната на британските деца е најлошо рангирана во споредба со седум други земји, вклучувајќи ги САД, Австралија, Бразил и Мексико.
Ултрапреработената храна сочинувала 61 отсто од енергетскиот внес за деца на возраст од две до пет години во Велика Британија, велат истражувачите. Како одговор на овие наоди, регистрираната нутриционистка Ријанон Ламберт сподели некои намирници што родителите треба да ги избегнуваат во исхраната на нивните деца. Во интервју за „The Sun“ таа спомена неколку намирници на кои родителите треба да внимаваат доколку нивните деца се помлади од пет години.
Медот е намирница која може да биде токсична за децата помлади од една година. Исто така е голем извор на шеќер кој може да предизвика кариес кај бебињата доколку се консумира често. Кога станува збор за сувото овошје, нутриционистката нагласува дека децата до пет години не треба да јадат суво овошје, како суво грозје или суви кајсии, освен ако се јаде како дел од оброкот
Намирниците за кои смета дека треба да ги избегнуваме да им ги даваме на малите деца се:
- мед,
- суво овошје,
- непастеризирани сирења.
Како што објаснува, медот е намирница која може да биде токсична за децата помлади од една година. Исто така е голем извор на шеќер кој може да предизвика кариес кај бебињата доколку се консумира често. Кога станува збор за сувото овошје, нутриционистката нагласува дека децата до пет години не треба да јадат суво овошје, како суво грозје или суви кајсии, освен ако се јаде како дел од оброкот. Тоа исто така е полно со шеќер што доведува до развој на кариес.
Од непастеризираните видови сирења на вашето дете може да му биде многу лошо, вели Ламберт, бидејќи постои ризик од пренесување на бактеријата листерија.
„Затоа е важно да го избегнувате. Задолжително проверете ги етикетите на сирењата за да бидете сигурни дека се направени од пастеризирано млеко“, предупредува нутриционистката, додавајќи дека на децата до две години им е потребна голема енергија од мастите, па затоа се препорачуваат полномасни опции на храна.
