Прекумерната телесна тежина кај децата е поврзана со зголемен ризик од развој на дијабетес во зрелоста, како автоимуни форми ма дијабетес, така и различни форми на дијабетес тип 2, информира нова студија. Ризикот од развој на инсулински најрезистентна форма на дијабетес е, на пример, три пати поголем кај децата со прекумерна тежина.
Дијабетесот погодува околу седум проценти од возрасната популација и е една од најбрзо растечките болести во светот. Традиционално е поделен на две подгрупи – дијабетес тип 1 и дијабетес тип 2 – но истражувањата сугерираат дека ова е поедноставена поделба.
Инаку, во 2018 година, една шведска студија идентификувала пет подгрупи на дијабетес кај возрасните, кои се карактеризираат со автоимуност, сериозен недостаток на инсулин, сериозна инсулинска резистенција, прекумерна телесна тежина и постара возраст.
Резултатите од оваа студија покажале дека прекумерната телесна тежина/обезноста во детството е поврзана со 62 отсто поголем ризик од автоимун дијабетес, двоен ризик од дијабетес со дефицит на инсулин, речиси трикратен ризик од форма на дијабетес која е најотпорна на инсулин и седумкратно зголемен ризик од форма на дијабетес примарно одбележен со прекумерна телесна тежина.
Извор: Diabetologia
